Жәнібек Әлімханұлы — Қазақстан және әлемдегі спорт жаңалықтары

Жәнібек Әлімханұлы Канелоны жекпе-жекке шақырды

admin — Thu, 21 Nov 2024 07:56:40 +0000

Орта салмақта WBO және IBF чемпиондық атағына ие Жәнібек Әлімханұлы (16-0, 11 КО) мексикалық Сауль Канело Альвареспен (62-2-2, 39 КО) жұдырықтасқысы келеді.

Отандасымыз танымал боксшыны ақпан айында жұдырықтасуға шақырды.

Менің ойымша, тек Канелоның ғана менімен жұдырықтасуға батылы жетеді! Канело, кел, ақпанда жұдырықтасайық! Менің дивизионымда чемпиондар жұдырықтасудан қорқады! Кел, әлемге жақсы бокс көрсетейік! — деп жазды қазақстандық өзінің X әлеуметтік желісіндегі парақшасында.

Бұған дейін Жәнібекпен жұдырықтасудан британдық боксшы Хамза Шираз (21-0, 17 КО) бас тартқан еді. WBC чемпионы Карлос Адамес те Жәнібекпен жұдырықтасуға ниетті емес.

I think only Canelo has the courage to fight me! Canelo, let’s fight in February! The champions in my division are afraid to fight! Let’s show the world good boxing! — Janibek Alimkhanuly (@qazaqstyle) November 21, 2024

Айта кетейік, Жәнібек 4 қазан күні Сиднейде жаңазеландиялық Андрей Михайловичті (21-1, 13 КО) нокаутпен жеңген болатын.

Жәнібек Әлімханұлы жекпе-жек алдындағы салмақ өлшеуден сәтті өтті

admin — Thu, 03 Oct 2024 06:05:57 +0000

Қазақстандық кәсіпқой боксшы Жәнібек Әлімханұлы (15-0, 10 КО) жаңазеландиялық Андрей Михайловичке (21-0, 13 КО) қарсы жекпе-жек алдында салмақ өлшеуден сәтті өтті, – деп хабарлайды msports.kz сайты.

Жәнібек Әлімханұлының салмағы 72,38 келі болды. Андрей болса 72,54 келі салмақпен шығады. IBF ережесіне сәйкес қазақ боксшысы 4 қазанда таңертең тағы бір рет салмақ өлшеу рәсімінен өтеді.

Бокс кеші 4 қазан күні Сиднейде (Аустралия) өтеді. Жәнібек орта салмақта IBF және WBO нұсқасындағы екі белбеуін де қорғайды.

Айта кетейік, екі боксшы шілде айында жұдырықтасуы керек болған. Өкінішке қарай, қазақстандық боксшы салмақ қуу кезінде есінен танып, ауруханаға түсіп қалған болатын. Нәтижесінде, жекпе-жек кейінге шегерілген еді.

Жәнібек Әлімханұлы жаңа салмақ дәрежесіне ауыса ма?

admin — Tue, 16 Jul 2024 05:21:05 +0000

Кәсіпқой боксшы Жәнібек Әлімханұлы салмақ қууға байланысты сәтсіздіктен кейін жаңа мәлімдеме жасады. Боксшы орта салмақта жұдырықтасуды жалғастыра бермек.

WBO және IBF чемпиондық атағына ие Жәнібек орта салмақта қалады.

Қолдауларыңызға рақмет! Қазір мен жақсымын. Маған қайта қалпыма келу үшін бірнеше апта керек, сосын ораламын! Ең маңызды жаңалық: орта салмақта менің әлі бітпеген ісім бар,» — деп жазды боксшы.

WBO 10 күн ішінде боксшының денсаулығына қатысты құжаттар мен қашан шаршы алаңға шыға алатыны туралы ресми ақпаратты күтеді. Егер талаптар орындалмаған жағдайда чемпиондық атағынан айыруы да мүмкін.

Айта кетейік, Жәнібек 14 шілде күні жаңазеландиялық Андрей Михайловичпен жұдырықтасуы керек болған. Алайда салмақ өлшеу алдында есінен танып, жекпе-жекке шыға алмай қалған еді.

Жәнібектің салмағы қанша артық болды?

admin — Sat, 13 Jul 2024 07:59:15 +0000

Инсайдер Дэн Рафаэль қазақстандық боксшы Жәнібек Әлімханұлының қанша салмақ артық шыққанын хабарлады. Жәнбек шамамен 162 фунт болған (73 кг, 482 г).

Ресми салмақ өлшеуде оның салмағы 160 фунттан (73 кг 482 грамм) аспауы керек еді. Оған 908 грамм салмақ қуу керек болған.

Рафаэль және өзге де дереккөздер хабарлағандай, Жәнібек бақ сынайтын Top Rank промоутерлік компаниясы қарсыласы Андрей Михайловичке гонорарының жартысын (100 мың доллар шамасы) төлейтін болады. Сондай-ақ ол жарыстағы арнайы қонақ болады.

Әлімханұлы мен Михайлович жекпе-жегі жаңа уақытқа ауыса ма, әлде қазақстандық боксшы атағынан айырыла ма, бұл алдағы күндері белгілі болмақ.

«Есінен танып құлаған». Жәнібектің жекпе-жегі өтпейтін болды

admin — Sat, 13 Jul 2024 07:05:36 +0000

Журналист және Talksport.com сайтының инсайдері Майкл Бенсон қазақ бокс жанкүйерлеріне жағымсыз жаңалық жеткізді.

Дереккөздің хабарлауынша, Жәнібек Әлімханұлы мен Андрей Михайлович арасындағы жекпе-жек өтпейтін болды, өйткені қазақстандық боксшы бейсенбі күні салмақ өлшеу кезінде есін жоғалтып, салдарынан ауруханаға жатқызылды.

Еске салайық, жекпе-жек Астана уақытымен 14 шілде күні таңертең Лас-Вегастағы (Невада, АҚШ) Palms Casino Resort кешенінде өтуге тиіс еді. IBF және WBO тұжырымдары бойынша орта салмақтағы әлем чемпионы қазақстандық Жәнібек Әлімханұлы (15-0, 10 КО) өз белбеуін IBF нұсқасы бойынша міндетті қарсыласы жаңазеландиялық Андрей Михайловичке (21-0-0, 13 КО) қарсы жекпе-жек өткізіп, қорғауы керек еді.