Ұлттар лигасы — Қазақстан және әлемдегі спорт жаңалықтары

Аустрия мен Словенияға қарсы ойнайтын футболшылардың тізімі жарияланды

admin — Mon, 30 Sep 2024 14:03:12 +0000

Қазақстан ұлттық құрамасының бас бапкері Станислав Черчесов қазан айында өтетін Аустрия және Словения құрамаларына қарсы матчтарға шақырылған ойыншыларының нақты тізімін жариялады.

Нақты тізімге 28 футболшы енді. Оқу-жаттығу жиыны 5 қазан күні Аустрияның Кремс қаласында басталып, 9-на дейін жалғасады.

Қақпашылар: Игорь Шацкий («Ақтөбе»), Александр Заруцкий («Астана»), Стас Покатилов («Тобыл»), Бекхан Шайзада («Ордабасы»);

Қорғаушылар: Әлібек Қасым («Ақтөбе»), Нұралы Әліп («Зенит», Ресей), Александр Марочкин, Ян Вороговский, Марат Быстров (барлығы – «Астана»), Сұлтанбек Астанов («Ордабасы»), Роман Асранкулов («Тобыл»), Лев Скворцов («Шинник», Ресей), Асхат Балтабеков («Жетісу»), Ұлар Жақсыбаев («Қызылжар»), Әділбек Жұмаханов («Атырау»);

Жартылай қорғаушылар: Асхат Тағыберген, Бауыржан Исламхан, Айбол Әбікен (барлығы – «Ордабасы»), Рамазан Оразов («Силькеборг», Дания), Максим Самородов («Ахмат», Ресей), Аслан Дарабаев («Елім-ай»), Бақтияр Зайнутдинов («Бесіктас», Түркия), Ислам Чесноков («Тобыл»), Андрей Ульшин («Қайрат»);

Шабуылшылар: Абат Айымбетов («Адана Демирспор», Түркия), Айбар Жақсылықов («Қайсар»), Жан-Әли Пайруз («Елім-ай»), Артур Шушеначев («Сочи», Ресей).

Оқу-жаттығу жиыны 5 қазан күні Аустрияның Кремс қаласында басталып, 9-на дейін жалғасады.

Естеріңізге сала кетейік, Қазақстан құрамасы қазан айында УЕФА Ұлттар лигасы аясында екі матч өткізеді. 10 қазан күні ұлттық құрама сырт алаңда Аустриямен кездеседі. Матч Линц қаласының «Райффайзен Арена» стадионында өтеді. Басталуы – Астана уақытымен сағат 23:45-те.

Үш күннен кейін біздің команда Словенияны қабылдайды. Ойын Алматының Орталық стадионында сағат 18:00-ге жоспарланған.

“Шешконың шеберлігі!“ Словения Қазақстанды үшінші ойын қатарынан ұтып кетті

admin — Mon, 09 Sep 2024 21:23:24 +0000

Футболдан Қазақстан ұлттық құрамасы Ұлттар лигасындағы екінші ойында ойсырай ұтылды. Словения өз алаңында Станислав Черчесов жинақтаған команданы 3:0 есебімен ұтты, – деп хабарлайды msports.kz тілшісі.

Матчтағы 3 голды да шабуылшы Беньямин Шешко соғып, хет-трик жасады. Бірінші таймда 23 және 28-минуттарда шеберлігімен көзге түссе, үшінші голын 63-минутта баспен соқты. Осылайша «Лейпциг» командасында ойнайтын футболшы Словенияға 3 ұпай сыйлады.

Қазақстан мен Словения құрамалары 2023 жылдан бері үшінші рет кездесті. Бұған дейін өткен екі матчта да Словения 2:1 есебімен ұтып кеткен болатын.

Екі тур қорытындысы бойынша Қазақстан 1 ұпаймен көш соңына жайғасты. Аустрия құрамасында да 1 ұпай бар, доп айырмасы бойынша алда. Словения мен Норвегия 4 ұпаймен алға озды.

«Нәтиже үшін ойнаймыз»! Черчесов Словениямен өтетін ойын жайлы ойын айтты

admin — Sun, 08 Sep 2024 17:05:47 +0000

Футболдан Қазақстан ұлттық құрамасының бас жаттықтырушысы Станислав Черчесов Словениямен өтетін ойын алдындағы баспасөз мәслихатына қатысып, журналистердің сұрағына жауап берді, – деп хабарлайды dodatimes.kz тілшісі.

Ресейлік маман Словенияға қарсы ойында нәтиже үшін ойнайтынын алға тартты. Сондай-ақ қарсылас команданың Еуропа чемпионатындағы ойынын жоғары бағалады.

Словения құрамасының ойынын Еуропа чемпионатындағы ойынын өз көзіммен көрдім. Олар норвегтер секілді жұлдызы жанған ойыншылары болмаса да, команда ретіндегі ойыны мықты. Бізді оңай матч күтіп тұрған жоқ. Біз олардың қалай, қандай ойын көрсететінін білеміз. Өз мүмкіндігімізді тауып, оны пайдалануға тырысамыз. Ойын нәтиже үшін болады, — деді Черчесов.

Айта кетейік, Қазақстан құрамасы Ұлттар лигасындағы бірінші ойында Алматыда Норвегиямен тең ойнады. Ал Словениямен ертең кеште ойнайтын болады. Матч Люблянада өтеді.