рекорд — Қазақстан және әлемдегі спорт жаңалықтары

Кәріс қызы Олимпиадада әлемдік жаңа рекорд тіркеді

admin — Thu, 25 Jul 2024 11:43:36 +0000

Садақ атудан өткен іріктеуде кореялық Си Хён Лим Париждегі Олимпиадада алғашқы рекордты жасады. Ол 72 рет атып, 694 ұпай жинады. Осылайша жаңа рекорд тіркеді.

Бұған дейінгі рекорд Кан Че Ёнға (ол да кәріс қызы) тиесілі болатын. Ол 2019 жылы 692 ұпай жинаған.

Айта кетейік, Париждегі жазғы Олимпиада ойындарының ашылу салтанаты ертең Сена өзенінде өтеді. Қазақстаннан Олимпиадаға 80 спортшы қатысады. Ашылу салтанатында Қазақстанның Туын боксшы Асланбек Шымбергенов пен жеңіл атлет Ольга Сафронова көтеріп шығады.

Месси футбол тарихында ең көп жүлде жеңіп алған ойыншы атанды

admin — Mon, 15 Jul 2024 03:55:00 +0000

Танымал футболшы Лионель Месси Аргентина құрамасымен Америка кубогы жарысында жеңімпаз атанды. Осылайша мансабындағы маңызды 45-ші жүлдесіне қол жеткізіп, рекорд орнатты.

37 жастағы шабуылшы 44 чемпиондық атақ жеңіп алған Дани Алвесті басып озды. Бұған дейін екеуінің жүлделер саны тең болған еді. Енді Месси теңдессіз рекорд иесі. Бірде-бір футболшы 45 чемпиондық жүлде еншілемеген.

Ең көп жүлде еншілеген футболшылардың үштігін мысырлық жартылай қорғаушы Хоссам Ашур түйіндейді. Ол «Әл-Ахли» командасы сапында ойнап, 39 жүлде жеңіп алған.

Америка кубогында Месси 4 ойын өткізді, 1 гол соғып, 1 нәтижелі пас берді.

Колумбия құрамасы 28 ойын қатарынан ұтылмай келеді

admin — Thu, 11 Jul 2024 09:31:13 +0000

Футболдан Колумбия ұлттық құрамасы Америка кубогының жартылай финалында Уругвайды ұтып, финалға шықты. Осылайша 28-ші ойын қатарынан қарсыластарына есе жібермей келеді. Бұл — құрама тарихындағы жарқын жетістік.

22 жеңіс

6 тең ойын

0 жеңіліс

Соңғы рет 2022 жылы Америка кубогына іріктеуде Аргентинадан ұтылған.

Сондай-ақ бұл құрама араға 23 жыл салып барып Америка кубогының финалына шықты.