Ойынның бірінші таймында норвег футболшыларының ширақ шабуылынан Қазақстан қорғаушыларының қорғанысы мығым болды.

Екінші таймда Қазақстан құрамасының гол соғатын бірер мүмкіндігі болған. Бірде Максим Самородов, бірінде Рамазан Кәрімов шабуылды нәтижелі аяқтай алмады.

Нәтижесінде, құрамалар тең ойнап, бір-бір ұпайдан бөлісті.

Айта кетейік, «В» дивизионындағы 3-топта Қазақстан мен Норвегиядан бөлек Аустрия мен Словения құрамалары бар.

Қазақстан құрамасы келесі ойынын 9 қыркүйек күні Словенияға қарсы өткізеді.

Футболдан Норвегия құрамасының капитаны Мартин Эдегор Алматыдағы ойын алдында баспасөз жиынына қатысып, журналистердің сұрағына жауап берді. Өздерін фаворит санағанмен, Қазақстан құрамасына қарсы ойын қиын болады деп топшылайды.

Әрине қарсыласты зерттедік, бұл қалыпты жағдай. Әр матч алдында қарсыласымыз жайында талдаймыз. Деседе бәрінен бұрын өзіміздің ойынымызға назар аударамыз.Біз тек бір ойыншыға емес, барлық командаға қарсы жоспар құрамыз. Ертең қиын матч күтіп тұрғанын білеміз, оның үстіне сырт алаңда ойнаймыз«,– деді Норвегия құрамасының капитаны Мартин Эдегор.

 Еске салсақ Қазақстан ертең Ұлттар лигасы аясында Норвегиямен күш сынасады.