Ел қоржынына алтын жүлдені дзюдодан 60 килоға дейінгі салмақта өнер көрсеткен Елдос Сметов салды. 2016 жылы Рио Олимпиадасында – күміс, 2021 жылы Токиода қола алған отандасымыз Парижде Олимп шыңын бағындырды. Осылайша отандасымыз Олимпиада чемпионы атанған тұңғыш қазақ дзюдошысы атанды.

Гимнаст Нариман Құрбанов, балуан Демеу Жадыраев (77 кг) және боксшы Нұрбек Оралбай (80 кг) Олимпиаданың күміс жүлдесін олжалады.

Грек-рим күресінің палуаны Демеу Жадыраев Олимпия ойындары тарихында араға 20 жыл салып осы спорт түрінен финалда белдесті. Ал Нариман Қазақстан гимнастика тарихында Олимпиадада медаль алған тұңғыш спортшы атағына ие болды. Нұрбек Оралбай бокстан Олимпиада тарихындағы 26-шы жүлдені ел қоржынына салды.

Ислам Сәтпаев пен Александра Ле (нысана көздеуден аралас жұптық сын), дзюдошы Ғұсман Қырғызбаев (66 кг) және боксшы Назым Қызайбай (50 кг) Париж Олимпиадасының қола жүлдегері атанды.

Жалпыкомандалық есепте АҚШ құрамасы көш бастады. Олар 40 алтын, 44 күміс, 42 қола медальмен соңғы сәтте Қытайды басып озды. Қытайлықтар 40 алтын, 27 күміс, 24 қоламен екінші орыннан көрінді. Үздік үштікті 20 алтын, 12 күміс, 13 қола медаль иеленген Жапония құрамасы түйіндеді. 

Париж Олимпиадасында Қазақстан құрамасының 78 атлеті 25 спорт түрінен сынға түсті. Соның ішінде 54-і алғаш рет Олимпиадаға қатысты. Сонымен қатар Париждегі дүбірлі додада жалпы 91 елдің спортшысы жүлдегерлер қатарынан көрінді.

Айта кетейік, келесі жазғы Олимпия ойындары 2028 жылы АҚШ-тың Лос-Анджелес қаласында өтеді.

Екі дүркін әлем чемпионы атағына ие италиялық таеквондошы Батырханға айқын басымдығын танытып кетті. Енді жұбаныш жекпе-жегіне мүмкіндік болу үшін Алессионың финалға шыққаны керек.

Отандасымыз бірінші кездесуінде Исмаел Кулибалиден басым түскен еді.

Бейсенбі күні Олимпиада чемпионы туған жері Жамбыл облысы, Тұрар Рысқұлов ауданына табан тіреді. Елдосты көруге келген халық санынан көз сүрінеді.  Осы сәтті пайдаланып аудан әкімі ерен еңбегі мен жеткен жетістігі үшін Сметовке жаңа автокөлік сыйға тартқан.

Ел алдында сөз алған Сметов бұл көлікті өзінің бірінші бапкері, зейнеткерлікке шыққан, бірақ әлі де балаларды жаттықтыруды жалғастырып жатқан Ахмет Жұмағұлға беруді жөн санайтынын айтты.

«Міне, нағыз Олимпиада чемпионы! Бұл кісіге алғысым шексіз. Сізге көп рахмет! Бұл кісі қандай көлік мінсе де, аздық етеді…», — дейді үш дүркін Олимпиада жүлдегері.

Бұған дейін Сметовке екі көлік берілген – біреуі Алматыда, екіншісі Таразда. Сонымен қатар Тараз қаласында оған бес бөлмелі пәтер және 2,6 миллион теңге ақшалай сыйақы берілді. Оған қоса алтын медаль үшін 250 мың доллар (120 миллион теңгеге жуық) алады. Қазіргі жаттықтырушысы Ғалымжан Жылгелдиев те автокөлік пен екі бөлмелі пәтермен марапатталды.

Қазіргі таңда Қазақстан құрамасының қоржынында 1 алтын, 3 күміс, 3 қола медаль бар. Дзюдошы Елдос Сметов Олимпиада чемпионы атанса, Ғұсман Қырғызбаев қола медаль алды. Ал Олимпиаданың ең алғашқы жүлдесін мергендер Ислам Сәтпаев пен Александра Ле аралас жұптық сайыста жеңіп алған еді. Спорттық гимнастикада Нариман Құрбанов тарихи күміс жүлдеге қол жеткізді. Бокстан қыздар арасында Назым Қызайбай қола алды.

Кеше финалда бақ сынаған балуан Демеу Жадыраев пен боксшы Нұрбек Оралбай күміс жүлдегер атанды.

Бүгін жарыс жолына шығатын спортшыларымызға сәттілік серік болсын.

• Таеквондо. 1/16 финал
12:00.   Батырхан Төлеуғали – Исмаел Кулибали

• Еркін күрес. 1/8 финал (125 кг)
15:00.  Юсуп Батырмұрзаев – Роберт Баран

• Каноэ есу. Жұптық сын. 500 м. 
15:40. Мария Бровкова, Руфина Искакова

• Байдарка есу. Жұптық сын. 500 м. «В» финалы
16:20. Бекарыс Раматулла, Сергей Токарницкий

• Заманауи бессайыс. Жартылай финал. Семсерлесу, жүзу, конкур, лазер-ран
16:00. Георгий Борода-Дудочкин

• Жеңіл атлетика. 10 000 м жүгіру. Финал
23:57. Дейзи Джепкемей

Алматы қаласы Спорт басқармасының басшысы Хайруллин Ерден Рашидұлының кенеттен өмірден озуына байланысты отбасы мен туған, туыстарына қайғыра көңіл айтамыз, — деп хабарлады басқарманың әлеуметтік желідегі парақшасы. 

Ерден Хайруллин 2009 жылы Қ. Сәтбаев атындағы Қазақ Ұлттық техникалық университетін «Автоматтандыру және басқару» мамандығы бойынша бітірген, 2011 жылы Қ. Сәтбаев атындағы Қазақ Ұлттық техникалық университетін «Экономика» мамандығы  бойынша  тәмамдаған  және Азаматтық авиация академиясынын авиация техникасы және технологиясының магистрі дәрежесін алған.

2012-2019 жылдары Алмалы ауданы әкімі аппаратында кәсіпкерлікті және өнеркәсіпті дамыту бөлімінің бас маманы, осы бөлімнің басшысы болып қызмет атқарған.

2019-2022 жылдары Алматы қаласы Алмалы ауданы әкімінің орынбасары болып жұмыс істеген.

Алматы спортын 2022 жылдың мамыр айынан бері басқарып келді.

Қазіргі таңда Қазақстан құрамасының қоржынында 1 алтын, 3 күміс, 3 қола медаль бар. Дзюдошы Елдос Сметов Олимпиада чемпионы атанса, Ғұсман Қырғызбаев қола медаль алды. Ал Олимпиаданың ең алғашқы жүлдесін мергендер Ислам Сәтпаев пен Александра Ле аралас жұптық сайыста жеңіп алған еді. Спорттық гимнастикада Нариман Құрбанов тарихи күміс жүлдеге қол жеткізді. Бокстан қыздар арасында Назым Қызайбай қола алды.

Кеше финалда бақ сынаған балуан Демеу Жадыраев пен боксшы Нұрбек Оралбай күміс жүлдегер атанды.

Бүгін жарыс жолына шығатын спортшыларымызға сәттілік серік болсын.

Көркем гимнастика. Көпсайыс. Іріктеу
13:00, 18:00. Эльжана Таниева

Каноэ есу. Жекелей. 200 м. Іріктеу
13:30. Мария Бровкова

Қазіргі бессайыс. Іріктеу. Семсерлесу
14:00. Георгий Борода-Дудочкин
17:30. Елена Потапенко

Еркін күрес. 1/8 финал
14:30. 86 кг.  Азамат Дәулетбеков – Аарон Брукс
15:00. 57 кг.  Мейрамбек Қартбай – Бекзат Алмаз уулу

Құзға өрмелеу. Ширек финал
15:41.  Амир Маймұратов – Реза Әлипур

Жұптық каноэ есу. 500 м. 
16:20. Сергей Емельянов, Тимур Хайдаров.

80 килоға дейінгі салмақта өткен шешуші шайқаста Нұрбек барын салды. Қорғана жүріп, қарсыласының қапысын табуға ұмтылды. Раунд сайын төрешілердің есебі бөле жарылып отырды. Жекпе-жек қорытындысында Александр жеңіске жетті.

Нұрбек Оралбай Қазақстан ерлер құрамасы сапында жүлдеге іліккен жалғыз боксшы. Ол өзі қатысқан алғашқы Олимпиадада күміс жүлдегер атанды. 

Бұл салмақта Александр чемпион, Нұрбек күміс алды. Қоланы Кристиан Хавьер Пиналес (Доминикан Республикасы) пен Арлен Лопес Кардона (Куба) иеленді. 

Грек-рим күресінен 77 килоға дейінгі салмақта бақ сынап жатқан отандасымыз белдесуді ширақ бастады. Бірінші болып ұпай алды, артынан әдіс-айласын асырып, бірінші кезеңде 6:0 есебімен басым болып шықты.

Екінші кезеңді де сәтті өткізген Демеу 6:1 есебімен қарсыласын айқын жеңіп шықты.

Финалдық бәсеке ертең өтеді. Демеу жапондық Нао Кусакамен кездеседі.

Құтты болсын қазақ елі!

Грек-рим күресінен 77 килоға дейінгі салмақта өткен белдесуде Демеу қарсыласын 3:1 есебімен жеңіп шықты. Ақжол қазақ балуанына басты қарсыластың бірі болатын. Екі дүркін әлем чемпионы, үш дүркін Азия чемпионы, Токиодағы Олимпиада ойындарының күміс жүлдегері болатын.

Жартылай финалдағы белдесулер Қазақстандағы уақытпен кешкі сағат 21:15-те басталады. Финалға жолдама үшін таласта ол Әзербайжан балуаны Санан Сүлеймановпен белдеседі.

Қазақ балуаны бірінші белдесуінде колумбиялық қарсыласын айқын жеңіп шыққан еді.

Қазіргі таңда Қазақстан құрамасының қоржынында 1 алтын, 1 күміс, 2 қола медаль бар. Дзюдошы Елдос Сметов Олимпиада чемпионы атанса, Ғұсман Қырғызбаев қола медаль алды. Ал Олимпиаданың ең алғашқы жүлдесін мергендер Ислам Сәтпаев пен Александра Ле аралас жұптық сайыста жеңіп алған еді. Спорттық гимнастикада Нариман Құрбанов тарихи күміс жүлдеге қол жеткізді. Жалпыкомандалық есепте 30-орында тұр.

Бүгін жарыс жолына шығатын спортшыларымызға сәттілік серік болсын.

• Байдарка мен каноэ есу:
Каноэ. Ерлер. Жұптық. 500 м. Іріктеу
13:30. Сергей Емельянов, Тимур Хайдаров
Каноэ. Әйелдер. Жұптық. 500 м. Іріктеу
14:00. Мария Бровкова, Руфина Искакова
Байдарка. Жұптық. 500 м. Іріктеу
14:30. Бекарыс Раматулла, Сергей Токарницкий

• Жеңіл атлетика:
110 м кедергілер арқылы жүгіру. Жұбаныш жарысы
13:50. Давид Ефремов
3000 м кедергілер арқылы жүгіру (стипль-чез). Финал
00:14. Нора Джеруто

• Грек-рим күресі. 1/8 финал (77 кг)
14:30.   Демеу Жадыраев – Джейр Куеро Муньос

• Құзға өрмелеу. Жылдамдық. Іріктеу
16:00. Амир Маймұратов

• Бокс. Жартылай финал (50 кг)
01:02.   Назым Қызайбай – Ву Ю