Майамидегі ойын жоспарланған уақыттан 1 сағат кешігіп басталды. Жанкүйерлердің алаңға кіруі және билетсіз лап қоюы, жергілікті тәртіп сақшыларының жұмысын қиындатты. 

Ойынның негізгі уақытында гол соғылмады. Аргентинаға жеңіс сыйлаған голды 112-минутта Лаутаро Мартинес соқты. Осылайша жарыста құрамасына чемпиондық атақ сыйлады және турнирдің үздік сұрмергені атанды. 

Аргентина құрамасы екінші турнир қатарынан Америка кубогында чемпион атанды. Олар 2021 жылы да жеңіп алған еді. Осы жарыс тарихында ең көп чемпион атанған (16 рет) құрама болды.

37 жастағы шабуылшы 44 чемпиондық атақ жеңіп алған Дани Алвесті басып озды. Бұған дейін екеуінің жүлделер саны тең болған еді. Енді Месси теңдессіз рекорд иесі. Бірде-бір футболшы 45 чемпиондық жүлде еншілемеген. 

Ең көп жүлде еншілеген футболшылардың үштігін мысырлық жартылай қорғаушы Хоссам Ашур түйіндейді. Ол «Әл-Ахли» командасы сапында ойнап, 39 жүлде жеңіп алған. 

Америка кубогында Месси 4 ойын өткізді, 1 гол соғып, 1 нәтижелі пас берді.