Ла лигада ең көп жалақы алатын – Френки де Йонг. «Барселона» командасының жартылай қорғаушысы жылына салықтан бөлек 37,5 миллион еуро табыс табады. Одан кейінгі орында да каталондық команда ойыншысы жайғасқан. Шабуылшы Роберт Левандовскийдің жалақысы 33,3 миллион еуро көлемінде. 

Жуырда ғана «Реал» сапына ауысқан Килиан Мбаппе үштікке енген. Ол «корольдік клубта» жылына 31,3 миллион еуро жалақы алатын болады. 

Ең көп жалақы алатын футболшылар рейтингі: 

1. Френки де Йонг – 37,5 млн еуро
2. Роберт Левандовский – 33,3 млн
3. Килиан Мбаппе – 31,3 млн
4. Давид Алаба – 22,5 млн
5. Ян Облак – 20,8 млн 
6. Джуд Беллингем – 20,8 млн
7. Винисиус Жуниор – 20,8 млн
8. Илкай Гюндоган – 18,7 млн 
9. Федерико Вальверде – 16,6 млн
10. Тибо Куртуа – 15 млн

Мбаппемен келісім мерзімі 2029 жылға дейін жасалды. Командада ойыншы 9-нөмірмен ойнайды.

Баршаға қайырлы күн! (испан тілінде). Мен Сіздермен испан тілінде сөйлесуге тырысамын. «Реал Мадридте» ойнауды армандап талай таңды атырдым. Бүгін менің арманым орындалды, мен бақытты баламын! Мен, «Реал» ойыншысымын! Ғажап!, — деді футболшы. 

Футболшының таныстырылымына 80 мыңнан асық жанкүйер жиналды.

Мбаппенің отбасы клубты сатып алу жайын қарастырып жатыр. Олар осылайша америкалық компаниялар сияқты қаржылық әлеуетін арттырғысы келеді, — деді Риоло RMC Sport-қа берген сұхбатында. 

«Кан» Францияның бірінші лигасында бірнеше жыл ойнады. 2019 жылы екінші лигаға түскеннен қайта оралмады. Клубтың нарықтағы құны 25 млн еуроны құрайды.

Мбаппе бала кезінде осы клубтың академиясында тәлім алған.