Геннадий Головкин — Қазақстан және әлемдегі спорт жаңалықтары

Головкин Парижде қазақ боксшыларымен кездесті

admin — Tue, 23 Jul 2024 05:32:28 +0000

Қазақстан Республикасы Ұлттық Олимпиада комитетінің президенті Геннадий Головкин Парижде Олимпиада ойындарына қатысқалы жатқан ұлттық құрама спортшыларымен кездесті. Боксшылардың дайындығына арнайы тоқталып, сәттілік тіледі.

Париждегі бокс бәсекесі 27 шілде күні басталады. Жеребе тарту рәсімі 25 шілде күні өтеді. Одан кейін барып ресми кесте жарияланатын болады.

Айта кетейік, Париждегі бокс бәсекесіне Қазақстан ерлер құрамасы толық құрамда қатысады. Әйелдер арасында үш боксшымыз жүлдеге таласады.

«Мен бокстан кеттім деген жоқпын» – Головкин

admin — Thu, 18 Jul 2024 06:30:39 +0000

Қазақстандық кәсіпқой боксшы Геннадий Головкин мансабын аяқтау жайлы сұраққа жауап берді. Спортшы ұсыныс болса, әлі де жекпе-жекке шығуға дайын екенін хабарлады.

Мен зейнетте емеспін. Отбасыммен өткізіп жүрген уақыттан ләззәт алып жүрмін. Менде қазір жаңа жұмыс бар, спорт саласында жүрмін, бұл маған ұнайды. Бірақ мен ешқашан мансабымды аяқтағанымды айтқан емеспін. Мен үшін өмір деген сәттерден тұрады, егер қандай да бір мүмкіндік пайда болып, сәті түссе рингке оралуым бек мүмкін, — дейді GGG LA Times-ке берген сұхбатында.

Айта кетейік, 42 жастағы боксшы соңғы рет 2022 жылдың қыркүйек айында жекпе-жек өткізді. Онда төрешілер шешімімен мексикалық Сауль «Канело» Альвареске жол берді.

Генадий Головкин осы жылдың ақпан айынан бастап ҚР ҰОК президенті болып сайланды.

Головкинмен жұдырықтасқан танымал боксшы мансабын аяқтады

admin — Tue, 16 Jul 2024 09:00:28 +0000

Орта салмақта (72,6 килоға дейін ) екі дүркін әлем чемпионы болған америкалық Дэниел Джейкобс (37-5, 30 KO) мансабын аяқтады. Бұл туралы әлеуметтік желілердегі парақшасында хабарлады.

Мен мансабымды аяқтағанымды хабарлаймын. Боксқа разымын, менің өмірімді өзім елестете алмайтындай дәрежеде өзгертті, құндылықтарын бойыма сіңірдім. Мен қазіргі деңгейіме бокс арқылы көтерілдім, — деп жазды Джейкобс.

Дэниел Джейкобс қазір 37 жаста. Кәсіпқой бокстағы алғашқы жекпе-жегін 2007 жылы бастаған. 2014 жылы WBA атағын иеленіп, төрт рет сәтті қорғады.

2017 жылы отандасымыз Геннадий Головкинмен жұдырықтасып, лайықты қарсылық көрсете білді. Жекпе-жек соңына дейін жалғасып, GGG төрешілер шешімімен жеңіске жетті.

2018 жылы Сергей Деревянченконы жеңіп, IBF чемпиондық атағын иеленді. Араға бір жыл салып мексикалық Сауль Альвареспен жұдырықтасып, төрешілер шешімімен қарсыласына жол берді.