Министр Будапешке барған сапарында Халықаралық дзюдо федерациясының президенті Мариус Визермен кездесіп, Қазақстанда дзюдоны дамыту бойынша бірқатар маңызды келісімге қол жеткізгенін мәлімдеді.

«2027 жылы дзюдодан әлем чемпионатын Қазақстанда өткізу туралы келісімге келдік. Бұл еліміз үшін үлкен абырой, әрі қазақстандық спортшылар үшін үлкен мүмкіндік болмақ. Өйткені чемпионат Лос-Анджелес олимпиадасының қарсаңында өтеді. Сонымен қатар Халықаралық Дзюдо Федерациясының академиясының өкілдігін Қазақстанда ашу туралы уағдаластыққа қол жеткіздік», – деп жазды министр. 

Биыл Қазақстан Париж олимпиада ойындарын бір алтын, үш күміс, және үш қола жүлдемен жалпы есепте 43-орында аяқтады. Қазақ дзюдошысы Елдос Сметов (60 келі) чемпион атанды. Ол – дзюдодан олимпиадада алтын медаль алған алғашқы қазақ спортшысы. Сондай-ақ Ғұсман Қырғызбаев қола медаль еншілеп қайтты. 

Айта кетейік, дзюдодан әлем чемпионаты Қазақстанда бұған дейін де өткен. 2015 жылы Астанада болған бәсекеде Елдос Сметов әлем чемпионы атанған болатын. 

Бейсенбі күні Олимпиада чемпионы туған жері Жамбыл облысы, Тұрар Рысқұлов ауданына табан тіреді. Елдосты көруге келген халық санынан көз сүрінеді.  Осы сәтті пайдаланып аудан әкімі ерен еңбегі мен жеткен жетістігі үшін Сметовке жаңа автокөлік сыйға тартқан.

Ел алдында сөз алған Сметов бұл көлікті өзінің бірінші бапкері, зейнеткерлікке шыққан, бірақ әлі де балаларды жаттықтыруды жалғастырып жатқан Ахмет Жұмағұлға беруді жөн санайтынын айтты.

«Міне, нағыз Олимпиада чемпионы! Бұл кісіге алғысым шексіз. Сізге көп рахмет! Бұл кісі қандай көлік мінсе де, аздық етеді…», — дейді үш дүркін Олимпиада жүлдегері.

Бұған дейін Сметовке екі көлік берілген – біреуі Алматыда, екіншісі Таразда. Сонымен қатар Тараз қаласында оған бес бөлмелі пәтер және 2,6 миллион теңге ақшалай сыйақы берілді. Оған қоса алтын медаль үшін 250 мың доллар (120 миллион теңгеге жуық) алады. Қазіргі жаттықтырушысы Ғалымжан Жылгелдиев те автокөлік пен екі бөлмелі пәтермен марапатталды.

Елдос қарсыласын голден скорда иппонмен ұтты. Осылайша өз мансабында екінші рет Олимпиада ойындарының финалына шықты.

Елдос бірінші белдесуінде Нидерланд елінен келген Торнике Чкадуаны жарыс жолынан шығарды. Одан кейін украиналық Дильшот Холматовтан айласын асырды.

Екі бірдей Олимпиада ойындарында жүлде алған Елдос ширек финалда тайпейлік Янг Юнг Вейді жеңді.

Елдос Сметов 2015 жылғы әлем чемпионы, 2016 жылғы Рио ойындарының күміс, Токио-2020 олимпиадасының қола жүлдегері. 

Екі бірдей Олимпиада ойындарында жүлде алған Елдос ширек финалда тайпейлік Янг Юнг Веймен кездесті. Әлемдік рейтингте бірінші тұрған спортшымен өткен белдесуде отандасымыз айласын асыра білді. 

Елдос бірінші белдесуінде бірінші белдесуінде Нидерланд елінен келген Торнике Чкадуаны жарыс жолынан шығарды. Одан кейін украиналық Дильшот Холматовтан айласын асырды. 

Жартылай финалда Елдос Испания елінің спортшысы Франциско Гарригоспен кездеседі. Ол ширек финалда жапон спортшысы Нагаяманы жарыс жолынан шығарды.

Елдос Сметов 2015 жылғы әлем чемпионы, 2016 жылғы Рио ойындарының күміс, Токио-2020 олимпиадасының қола жүлдегері. 

60 кило салмақта белдесетін Елдос Сметов екінші кезеңде украиналық Дилшот Халматовтан «ваззари» ұпайы бойынша басым болды. 

Бірінші кезеңде Сметов нидерландтық қарсыласын шидо саны бойынша ұтқан болатын. Ширек финалда Жамбыл жерінің мақтанышы Янг Юнг Веймен белдеседі (Қытай, Тайпей).

Айта кетелік, бұл Елдос Сметовтің мансабындағы үшінші Олимпиада ойындары.

Қазақстан құрамасының 8 дзюдошысы да Франция астанасындағы ойындарда турнирді бірінші айналымнан бастайды.

27 шілде

48 кило. Әбиба Әбужақынова – Шира Ришони
60 кило. Елдос Сметов – Торнике Чкадуа

28 шілде

66 кило. Ғұсман Қырғызбаев – Давид Гарсия Торне

29 шілде

73 кило. Данияр Шамшаев – Муроджон Юлдошев

30 шілде

81 кило. Абылайхан Жұбаназар – Атилла Унгвари
63 кило. Эсмигул Куюлова – Любьяна Пёвесана

1 тамыз

100 кило. Нұрлыхан Шархан – Тома Никифоров

2 тамыз

+78 кило. Кәмила Берліқаш – Адиясурен Амарсайхан

Татамидегі дзюдо бәсекелері 27 шілде күні басталады. Дәл осы күні Қазақстан құрамасы сапында Елдос Сметов (-60 кило) пен Абиба Әбужақынова (-48 кило) жүлде жолындағы күресін бастайды. Қазақстан уақытымен сағат 13:00-де басталады. Тікелей эфирде Qazaqstan ұлттық арнасы хабар тарататын болады.

27 шілде:
Абиба Әбужақынова — 48 кило
Елдос Сметов — 60 кило

28 шілде:
Ғұсман Қырғызбаев — 66 кило

29 шілде:
Данияр Шамшаев — 73 кило

30 шілде:
Абылайхан Жұбаназар — 81 кило
Эсмигуль Куюлова — 63 кило

1 тамыз:
Нұрлыхан Шархан — 100 кило

2 тамыз:
Камила Берліқаш — +78 кило

3 тамыз:
Командалық жарыс