Асу бразилиялық Матеус Николаумен (19-4-1) кездесіп, төрешілер шешімімен басым болып шықты. Осылайша UFC-дегі төртінші жеңісіне қол жеткізді. Ал Матеус үшінші рет жеңілістің ащы дәмін татты.

Жекпе-жек соңынан қазақстандық спортшы ұйым басшысына үндеу айтты.

Дана, Мик Мейнард, маған бір титулдық жекпе-жекке бір мүмкіндік берсеңдер. Бір мүмкіндік қана! Мен дайынмын! Қазақстанда маған жанкүйер болған, дұға жасаған баршаға рақмет, — деді.

Бұл жеңістен кейін Асудың чемпиондық атаққа таласуына мүмкіндік артатын болады. UFC басшысы қазақстандық спортшының айтқанына әзірге жауап берген жоқ.

Қазақстандық спортшы 15-орынды қытайлық Су Мудаерджимен бөлісіп тұр. Ал 14-орынға бұрын рейтингте болмаған Коди Дарден мен Давид Дворак көтерілген. 

Асу UFC ұйымдастырған үш турнирге қатысып, үшеуінде де жеңіске жетті. Бұл оның үздіктер қатарына қосылуына жол ашты. 

Қазақстандық спортшы соңғы рет UFC Vegas 93 турнирінде Хосе Джонсонмен шайқасты. Жекпе-жек жоспарланған үш раундқа созылып, отандасымыз төрешілердің бірауыз шешімімен жеңіске жетті.