әлем чемпионаты 2027 — Қазақстан және әлемдегі спорт жаңалықтары https://dodatimes.kz Sun, 20 Oct 2024 06:59:10 +0000 ru-RU hourly 1 https://wordpress.org/?v=6.9.4 https://dodatimes.kz/wp-content/uploads/2024/06/Dodatimes-logo-e1719470600129-75x75.png әлем чемпионаты 2027 — Қазақстан және әлемдегі спорт жаңалықтары https://dodatimes.kz 32 32 Қазақстанда дзюдодан әлем чемпионаты өтеді https://dodatimes.kz/qazaqstanda-dzyudodan-aelem-chempionaty-oetedi/ https://dodatimes.kz/qazaqstanda-dzyudodan-aelem-chempionaty-oetedi/#respond Wed, 09 Oct 2024 06:45:20 +0000 https://dodatimes.kz/?p=1354 Дзюдодан 2027 жылғы әлем чемпионаты Қазақстанда өтеді. Бұл туралы туризм және спорт министрі Ербол Мырзабосынов хабарлады, – деп жазады msports.kz сайты. 

Министр Будапешке барған сапарында Халықаралық дзюдо федерациясының президенті Мариус Визермен кездесіп, Қазақстанда дзюдоны дамыту бойынша бірқатар маңызды келісімге қол жеткізгенін мәлімдеді.

«2027 жылы дзюдодан әлем чемпионатын Қазақстанда өткізу туралы келісімге келдік. Бұл еліміз үшін үлкен абырой, әрі қазақстандық спортшылар үшін үлкен мүмкіндік болмақ. Өйткені чемпионат Лос-Анджелес олимпиадасының қарсаңында өтеді. Сонымен қатар Халықаралық Дзюдо Федерациясының академиясының өкілдігін Қазақстанда ашу туралы уағдаластыққа қол жеткіздік», – деп жазды министр. 

Биыл Қазақстан Париж олимпиада ойындарын бір алтын, үш күміс, және үш қола жүлдемен жалпы есепте 43-орында аяқтады. Қазақ дзюдошысы Елдос Сметов (60 келі) чемпион атанды. Ол – дзюдодан олимпиадада алтын медаль алған алғашқы қазақ спортшысы. Сондай-ақ Ғұсман Қырғызбаев қола медаль еншілеп қайтты. 

Айта кетейік, дзюдодан әлем чемпионаты Қазақстанда бұған дейін де өткен. 2015 жылы Астанада болған бәсекеде Елдос Сметов әлем чемпионы атанған болатын. 

]]> https://dodatimes.kz/qazaqstanda-dzyudodan-aelem-chempionaty-oetedi/feed/ 0