2026 жылғы 25–29 наурыз аралығында Түркияның Анталия өңіріндегі Сиде қаласында өткен «Antalya Volleyball Friendship Cup U-16» халықаралық жастар турнирінде Қазақстанның жас спортшылары тарихи жетістікке қол жеткізді.

Бұл додада Жетісу облысы, Ақсу ауданы, Жансүгіров ауылының қыздар командасы мен Алматы облысы, Іле ауданы, Өтеген батыр ауылының ұлдар командасы Қазақстан намысын қорғады. Ауылдан шыққан қарапайым балалардың қажырлы еңбегі, табандылығы мен жігері оларды үлкен жеңіске жеткізді.

 Halyk қоры жарысқа дейінгі дайындық кезеңін де жоғары деңгейде ұйымдастырды. Қыздар командасы Алматыдағы кәсіби волейбол орталығында жаттығып, техникалық және тактикалық шеберлігін жетілдірсе, ұлдар командасы Балқаш ауданының Бақанас ауылында оқу-жаттығу жиындарын өткізіп, физикалық дайындығын шыңдады. Бұл дайындық олардың әр ойында сенімді, жинақы және жігерлі өнер көрсетуіне негіз болды.

«Балалар біз ойлағаннан да жақсы ойнады. Halyk қайырымдылық қоры біздің барлық шығынды — оқу-жаттығу жиыны, жатын орын, тамақты төледі. Ауыл балаларына бұл — үлкен мүмкіндік. Біздің балаларға мұндай тәжірибе сыйлағаны үшін қорға алғыс айтамыз!» — дейді бапкер Ғалым Ғайнол.

Турнир барысында қазақстандық командалар қарсыластарын бірінен соң бірін айқын басымдықпен жеңіп, финалға жолдама алды. Қыздар финалда Түркияның «GAZI» клубымен кездесіп, 2:0 есебімен сенімді жеңіске жетті. Ал ұлдар құрамасы да дәл осы қарсыласты 2:1 есебімен ұтып, чемпион атанды.

«Бұл – бүкіл Қазақстанның жеңісі. Ауылдан шыққан жас спортшыларымыз халықаралық аренада ел намысын абыроймен қорғап, көк туымызды биікке көтерді. Бұл жетістік – олардың табандылығы мен еңбегінің, сондай-ақ, ауыл жастарына мүмкіндік берудің нақты нәтижесі. Біз алдағы уақытта да таланттарды қолдап, олардың үлкен спорттағы жолын жалғастыруға бар күшімізді саламыз», – деді Қордың Атқарушы директоры Ғалымбек Жақсылықұлы.

Жеке шеберлігімен ерекшеленген ойыншылар да назардан тыс қалмады. Қыздар құрамасының шабуылшысы Құралай Бәкен турнирдің үздік ойыншысы атанса, ұлдар командасынан Адмир Махамеджанов дәл осындай мәртебеге ие болды. Олардың өнері – бүкіл елдің мақтанышы.

«Жарыс өте әсерлі әрі қызық өтті. Онда әр елден келген мықты спортшылар болды. Оларды жеңу оңай болған жоқ, халықаралық дода шеберлікті талап етеді. Мұнда біз өзімізді емес, ел намысын қорғауды ойладық. Жарыс күнін асыға күттік. Дайындық барысы қызу өтті. «Ауыл спорт» жобасына дайындаған жатын орны, тамақ, шетелдегі естелік үшін рақмет. Алғысымыз шексіз. Бұл тек біздің емес, ата-анамыздың, бапкерлеріміздің, бүкіл ауылдың арманы», — деді жеңімпаздардың бірі Мағжан Әріпжанов.

Бұл жеңіс «Ауыл спорт» жобасының маңыздылығын тағы бір мәрте дәлелдеді. Ауылдан шыққан таланттарға мүмкіндік берілсе, олар халықаралық деңгейде де топ жарып, көк туды көкке көтере алатынына айқын дәлел. Қазақстанның көк байрағы Анталия төрінде екі рет желбіреді. Бұл — ел тарихындағы жас спортшылардың жарқын белесі.

Халықаралық турнир туралы не белгілі?

«Antalya Volleyball Friendship Cup U-16» – жыл сайын Түркияда өтетін халықаралық жастар турнирі. Турнирге әдетте Түркияның жетекші клубтарымен қатар, Азия мен Таяу Шығыс елдерінің командалары қатысады. Қазақстан командалары бұл турнирде сәтті дебют жасап, бірден чемпион атанып, халықаралық деңгейдегі әлеуетін айқын көрсетті.

Бұл – өңірде алғаш рет ашылып отырған, спорт пен білімді ұштастыратын арнайы оқу орны. Мекеме олимпиадалық спорт түрлері бойынша дарынды балаларды кәсіби деңгейде даярлауға бағытталған.

Салтанатты шарада облыс әкімі бұл оқу орны өңірдің спорттық әлеуетін арттыруға және халықаралық деңгейде ел намысын қорғайтын чемпиондарды тәрбиелеуге зор мүмкіндік беретінін атап өтті.

«Бұл мектеп Мемлекет басшысының спортты дамыту және дарынды балаларды қолдау жөніндегі тапсырмасына сәйкес ашылып отыр. Мұнда спорт пен білім қатар дамып, болашақ чемпиондарды даярлауға барлық жағдай жасалған. Ендігі міндет – оқу процесін сапалы ұйымдастырып, балалардың қауіпсіздігі мен кәсіби дамуын қамтамасыз ету. Бұл жерден ел намысын халықаралық ареналарда қорғайтын спортшылар өсіп шығарына сенемін», – деді Нұрдәулет Қилыбай.

Интернат 300 оқушыға арналған. Оның ішінде 250 бала жатақханамен қамтамасыз етілсе, қатынап оқитын 50 оқушы үшін арнайы тасымал қызметі ұйымдастырылған.

Оқу орнында бокс, дзюдо, таеквондо, еркін және грек-рим күресі бойынша жаттығулар өткізіледі. Оқушылар күн сайын екі мезгіл жаттығып, тәжірибелі жаттықтырушылардың жетекшілігімен дайындықтан өтеді.

Интернат-колледждің инфрақұрылымы заманауи талаптарға сәйкес жабдықталған. Мұнда спорт және күрес залдары, оқу кабинеттері, кітапхана, медициналық орталық, жатақхана мен асхана қарастырылған. Оқу мен жаттықтыру жұмыстары мемлекеттік білім стандарттары мен спорттық талаптарға сай жүзеге асырылады.

Қарапайым жаттығу залынан басталған жол Қырғызстан төріндегі жеңіске ұласты. Бұл – Тимур Құлыбаевтың Halyk қайырымдылық қоры жүзеге асырып жатқан «AUYL SPORT» нәтижесі. Жоба ірі кәсіпкер, спорт жанашары Тимур Құлыбаевтың ауылдағы талантты жастарға жол ашу жөніндегі стратегиялық бастамасы. Оның бастамасымен «Halyk» қоры бұқаралық спортты қолдауға жүйелі түрде қаржы бөліп келеді.

Жарыс барысында үлкен тартысқа толы ойындар өтті. Ұлдар арасындағы финалда Үшқоңыр ауылының командасы Қырғызстанның Чу облысы, Мраморное ауылының ұжымын 2:0 есебімен ұтып, чемпион атанды.

Қыздар арасындағы додада Бескөл ауылынан барған волейболшы қыздар тамаша ойын көрсетіп, жүлделі үшінші орын иеленді.

«Қор балаларға әрдайым қолдау білдіруге ниетті. Әсіресе ауылда өскен талантты балалардың үлкен аренаға шығуына жағдай жасауға қашанда дайынбыз. Бұл қолдау бұдан әрі де жалғасады», —  деді Ғалымбек Жақсылықұлы.

Айта кетейік, «AUYL SPORT» –  Тимур Құлыбаевтың «Halyk» қайырымдылық қоры қолға алған маңызды әлеуметтік жоба. Бағдарлама 2024 жылдан бастап ауылдық жерлерде бұқаралық спортты дамыту, талантты балаларды қолдау және кәсіби спортқа бағыттауға жұмыс істейді.

Астанада өткен Kazakhstan Open 2025 халықаралық турнирі биыл ерекше оқиғамен есте қалды. Қазақстан каратэ федерациясы ұйымдастырған додада алты елден келген 560-тан аса спортшы өзара мықтыны анықтады. Ката, кумитэ және командалық кумитэ бойынша өткен 58 санаттағы тартыс биыл ауыл жастары үшін тарихи кезеңге айналды. Себебі алғаш рет халықаралық аренада қазақтың ауыл балалары өнер көрсетті.

Бұл – Тимур Құлыбаевтың Halyk қайырымдылық қоры жүзеге асырып жатқан «AUYL SPORT» нәтижесі. Жоба ірі кәсіпкер, спорт жанашары Тимур Құлыбаевтың ауылдағы талантты жастарға жол ашу жөніндегі стратегиялық бастамасы. Оның бастамасымен «Halyk» қоры бұқаралық спортты қолдауға жүйелі түрде қаржы бөліп келеді.

Жоба аясында іріктелген 6 ауыл баласы ел намысын қорғап, екі бірдей жүлдемен оралды. Маңғыстау облысы Қызылсай ауылының 14 жастағы спортшысы Матжан Мәдениет 52 келі салмақта күміс медаль жеңіп алса, Басқұдық ауылынан Анищенко Захар 60 келі салмақта қола жүлдеге ие болды. Бұл – бүкіл ауылға, ұстаз бен ата-анаға, жас жеткіншекке шабыт беретін тарихи сәт. Спортшылар татамиге тек медаль үшін емес, ауылдың намысын арқалап шықты.

«Бұл менің ғана емес, мені баптаған жаттықтырушымның, демеу болған ата-анам мен ауылдастарымның жеңісі. Алғаш рет шетелден келген қарсыластармен татамиге шықтым. Қобалжыдым, бірақ ауылдың үмітін ақтау үшін барымды салдым. Енді Әлем чемпионы боламын деген арманыма сенемін. “AUYL SPORT” жобасына және Halyk қорына шексіз алғыс айтамын», – дейді жас спортшы Матжан Мәдениет.

Айта кетейік, турнир қорытындысы бойынша, жастар құрамасы жасақталып, 2025 жылғы қыркүйекте Қытайдың Ханчжоу қаласында өтетін Азия чемпионатына жолдама алады.

Тимур Құлыбаевтың «Halyk» қоры турнирді жоғары деңгейде ұйымдастырған Қазақстан каратэ федерациясына алғыс білдіріп, жас спортшылардың бағын ашуға ықпал еткен кәсібилік пен адал еңбекті ерекше атап өтті.

«Бұл турнир ауыл балаларының арманына жол ашқан үлкен алаң. Біздің мақсат – әрбір ауыл баласына өз дарынын танытып, үлкен спортқа қадам басуға мүмкіндік беру. Kazakhstan Open 2025 – осы жолдағы маңызды белес. Бұл мүмкіндік бүгінгі жеңістен де маңызды», – деді Halyk қайырымдылық қорының атқарушы директоры Ғалымбек Жақсылықұлы.

Айта кетейік, «AUYL SPORT» –  Тимур Құлыбаевтың «Halyk» қайырымдылық қоры қолға алған маңызды әлеуметтік жоба. Бағдарлама 2024 жылдан бастап ауылдық жерлерде бұқаралық спортты дамыту, талантты балаларды қолдау және кәсіби спортқа бағыттауға жұмыс істейді. Бүгінде бұл бастама аясында еліміздің түкпір-түкпірінде 10 мыңнан астам бала түрлі спорт түрімен жүйелі түрде айналысып жүр.

 AUYL SPORT бағдарламасының тиімділігін дәлелдейтін тағы бір айғақ – Сербияда өткен GYMNASIADE халықаралық сайысында 12 ауыл баласының 6 медаль жеңіп алуы. Енді сол тәжірибе Kazakhstan Open аясында жалғасып, ауыл спортшылары халықаралық аренаға сенімді қадам басып отыр.

 Ал Halyk қайырымдылық қоры – еліміздің түкпір-түкпіріндегі мұқтаж жандарға қолдау көрсетіп, әлеуметтік жауапкершілікті серік еткен ірі ұйым. Қор ауыл спортына ғана 500 миллион теңгеге жуық қаржы бөліп қоймай, жалпы саны 120-дан астам әлеуметтік жобаны жүзеге асырып, 85 миллиард теңге көлемінде қаражат жұмсаған.

Спорт – ауыл болашағының тірегі

Тимур және Динара Құлыбаевтар негізін қалаған Halyk қоры ауылдардағы әлеуметтік және инфрақұрылымдық мәселелерді шешуге бағытталған бастамаларды қолдап келеді. Соның жарқын мысалы – AUYLSPORT жобасы.

Меморандум аясындағы жоспарлар

Ынтымақтастық аясында тараптар келесі бағыттарда жұмыс жүргізуді жоспарлап отыр:

• ауыл жастары үшін қолжетімді спорттық секциялар ашу;
• жаттықтырушыларды қайта даярлау және кәсіби біліктілігін арттыру;
• төрешілер корпусын жасақтау;
• өңірлік, республикалық және халықаралық жарыстар өткізу;
• спорт құрал-жабдықтарымен қамтамасыз ету.

Құжатқа Halyk қорының атқарушы директоры Ғалымбек Жақсылықов, ҚР Ұлттық баскетбол федерациясының бас хатшысы Жұлдыз Байдусенова, сондай-ақ Қазақстан волейбол федерациясының вице-президенті Ермек Сырлыбаев қол қойды.

Жобаның алғашқы жетістіктері

2024 жылы іске қосылған жоба ауылдық өңірлерде үлкен қолдауға ие болды. Қысқа уақыт ішінде AUYLSPORT аясында барлық өңірде он мыңнан аса бала түрлі спорт түрімен жүйелі түрде айналыса бастады.

Жобаның нәтижелілігін дәлелдейтін басты оқиғалардың бірі – Сербияда өткен халықаралық Гимназиада. Бұл додада ел намысын қорғаған 22 спортшының 12-сі – дәл осы жоба аясында дайындалған жастар. Олар өз өнерлерімен Қазақстанның абыройын асқақтатып, AUYLSPORT бастамасының өміршеңдігін көрсетті.

Қазақстанның баскетбол және волейбол федерациялары – еліміздегі жетекші спорт ұйымдары. Олардың AUYLSPORT жобасына қосылуы ауыл спортын жаңа деңгейге көтереді. Бұл ынтымақтастық тәжірибелі жаттықтырушылар мен әдістемелік қолдауға жол ашып, ауыл балалары үшін үлкен мүмкіндіктер ұсынады.

Halyk қорының атқарушы директоры Ғалымбек Жақсылықов өз сөзінде:

«Бүгін баскетбол және волейбол федерацияларымен жасалған меморандум – AUYLSPORT жобасының дамуына тың серпін беретініне сенеміз. Бұл серіктестік ауылдық жерлердегі спорт инфрақұрылымын нығайтып, жас спортшылардың дамуына кең жол ашады. Әрі олардың салауатты өмір салтын ұстануына септігін тигізеді», – деп атап өтті.

Бұл меморандум – ауыл жастарына жаңа мүмкіндіктер ұсынатын, бұқаралық спортты дамытатын және қайырымдылық мәдениетін ілгерілететін маңызды стратегиялық қадам. Тараптар алдағы уақытта ынтымақтастықты одан әрі тереңдетіп, еліміздің барлық өңірлерінде ауыл спортының қолжетімділігін арттыру үшін жүйелі жұмыстар жүргізуге ниетті екендерін жеткізді.

Еске салайық,  AUYL SPORT жобасы 2024 жылы облыстық деңгейдегі турнирлерден бастау алды. Оған 200 ауылдан 12 мыңнан астам бала мен жасөспірім қатысып, спортқа деген қызығушылықтарын танытты. Баскетбол мен волейбол – жоба аясында қамтылған алты спорт түрінің ішінде. Жобаның республикалық турнирінің финалы еліміздің 17 облысынан 1300-ден астам жас спортшыны бір алаңда тоғыстырып, ауыл спортын жаңа деңгейге көтерді.

Halyk қайырымдылық қоры – еліміздің түкпір-түкпіріндегі мұқтаж жандарды қолдауға және халықтың өмір сүру сапасын жақсартуға бағытталған әлеуметтік бастамаларға ұдайы қолдау көрсетіп келе жатқан ірі ұйым. Қор ауылдағы спортты дамытуға 500 миллион теңгеге жуық қаржы бөлді. Сонымен қатар, осы күнге дейін 120-дан астам әлеуметтік жобаны жүзеге асырып, оған 85 миллиард теңге көлемінде қаражат жұмсады.

AUYL SPORT жасөспірімдерге арналған жаңа мүмкіндік, болашақ чемпиондарға алғашқы баспалдақ. Тимур Құлыбаевтың бастамасымен қолға алынған бұл жоба ауыл спортына серпін беріп, мыңдаған баланың өмірін өзгертіп жатыр.

«Auyl Sport жобасы ауылдағы талантты балаларға үлкен аренаға шығуға жол ашып отыр. Бұл – жай ғана спорттық жоба емес, нағыз әлеуметтік лифт, ауыл баласының арманын ақиқатқа айналдыратын мүмкіндік. Гимназиададағы жетістіктер – осы мақсаттың орындалғанына дәлел», дейді Halyk қорының атқарушы директоры Ғалымбек Жақсылықов.

Еркін күрес жарысында да біздің спортшылар жүлдесіз қалған жоқ. Түркістан облысы Бәйдібек би ауданы, Шалдар ауылының спортшысы Қалыбек Нұрқожа қола медаль иеленді. Қалыбек Нұрқожа да – Auyl Sport республикалық турнирінің жүлдегері.
Шахмат турнирі рапид және блиц форматтарында өтті. 17 мемлекеттен 100-ден астам спортшы қатысқан жарыста осы жобаның жүлдегерлері Жанат Нұрым мен Алғаппарова Олтинай жоғары шеберлік көрсетіп, ұйымдастырушылар тарапынан арнайы марапаттарға ие болды.

«Гимназиадада алтын алу — ауылдан шыққан мен үшін баға жетпес жетістік. Бұл маған артылған сенімді ақтағанымның, ата-анам мен туған ауылымның үмітін орындағанымның белгісі. Қуанышымды сөзбен жеткізу қиын. Осы халықаралық жарысқа қатысуға мүмкіндік берген Auyl Sport жобасына және Halyk қайырымдылық қорына шексіз алғысымды білдіремін. Бұл жеңіс — жалғыз менің емес, мені қолдаған әр адамның жеңісі!» – дейді гимназиада алтын иеленген Макаров Шыңғыс.

Халықаралық аренада еліміздің абыройын асқақтатқан жас спортшылар меценат Тимур Құлыбаевтың атынан алғыс хаттармен және ақшалай сыйақылармен марапатталды:
• Алтын медаль иегерлеріне – 1 миллион теңгеден,
• Қола жүлдегерге – 300 мың теңге,
• Жас шахматшыларға – әрқайсысына 200 мың теңгеден.
Чемпиондарды дайындаған жаттықтырушылар да назардан тыс қалмады – олардың еңбегі де ақшалай сыйақымен лайықты бағаланды.

2024 жылы іске қосылған Auyl Sport – ауыл балаларына арналған ең ірі республикалық спорттық жобалардың бірі. Өткен жылы 200 елді мекеннен 12 000 жас спортшы өңірлік турнирлерге қатысып, 17 облыстан 1 300 үздік спортшы финалда өз шеберліктерін көрсетті.
Қазіргі таңда Auyl Sport аясында бокс, күрес, каратэ, баскетбол, волейбол және шахмат спорт түрлері бойынша жарыстар өткізіліп келеді. 2025 жылдан бастап жобаға үстел теннисі де қосылады.

Тимур Құлыбаевтың Halyk қайырымдылық қоры халықтың әл-ауқатын арттыруға және аз қамтылған азаматтарға қолдау көрсетуге бағытталған бірқатар әлеуметтік жобаларды жүзеге асырып келеді. Ауыл спортын дамытуға қор 500 миллион теңгеге жуық қаржы бөлді.

     4-14 сәуір аралығында Сербияның батысындағы көркем Златибор аймағында ISF U15 2025 мектеп оқушыларына арналған жыл сайынғы спорт фестивалі өтеді. Биыл бұл жарысқа 55 елден 2 500-ден астам жас спортшы қатысады. Қазақстан құрамасы 22 спортшымен ұсынылып, олар бокс, еркін күрес, шахмат және дзюдо спорт түрлерінде ел намысын қорғайды. Олардың 12-сі — Тимур Құлыбаевтың «Halyk» қайырымдылық қорының қолдауымен жүзеге асырылып жатқан Auyl Sport жобасының жеңімпаздары.

Auyl Sport – ауыл спортын дамытуға бағытталған ірі бастама

2024 жылы іске қосылған Auyl Sport – ауыл балаларына арналған ең ірі республикалық спорттық жобалардың бірі. Өткен жылы 200 елді мекеннен 12 000 жас спортшы өңірлік турнирлерге қатысып, 17 облыстан 1 300 үздік спортшы финалда өз шеберліктерін көрсетті.

«Auyl Sport жобасының басты мақсаты – спортты дамыту ғана емес, балалардың тұратын жеріне қарамастан, оларға тең мүмкіндік беру. Сербиядағы Гимназиадаға ауыл спортшыларының қатысуы – осы мақсаттың жүзеге асып жатқанының айқын дәлелі. Бұл – көптеген балалар үшін халықаралық аренадағы алғашқы қадам, олар әлемнің ең үздік жас бәсекеге түсіп, Қазақстанның намысын қорғайды. Бұл – Auyl Sport жобасы үшін үлкен үміт сыйлайтын және шабыттандыратын бастама. Барлық спортшыларға сәттілік тілейміз!» – деп атап өтті «Halyk» қорының атқарушы директоры Ғалымбек Жақсылықов.

Қазіргі таңда Auyl Sport аясында бокс, күрес, каратэ, баскетбол, волейбол және шахмат спорт түрлері бойынша жарыстар өткізіліп келеді. 2025 жылдан бастап жобаға үстел теннисі де қосылады.

Жеңімпаздар оқиғасы: арманға апарар жол

«Auyl Sport – мен үшін жай ғана жарыс емес, жаңа өмірге бастар жол. Осы жобаның республикалық турнирінде жеңімпаз атанып, Сербиядағы халықаралық Гимназиадаға бара жатқаным мен үшін үлкен жетістік. Ата-анам мен туған ауылымның үмітін ақтау үшін барымды саламын», – дейді Айбек Садық, Auyl Sport жобасының жеңімпазы.

«Мен өз баламның жетістіктерімен мақтанамын. Auyl Sport жобасы мен «Halyk» қорының қолдауының арқасында ол халықаралық аренада өз мүмкіндіктерін көрсетуге жол ашты. Бұрын бұл біз үшін қол жетпес арман секілді көрінетін. Ата-ана ретінде біз зор алғысымызды білдіреміз. Бұл жоба әрбір балаға өз әлеуетін ашуға және өз арманына жақындауға мүмкіндік береді», – дейді жоба финалистерінің бірінің ата-анасы.

«Halyk» қоры – ауыл спортына серпін берген қолдау

Тимур Құлыбаевтың «Halyk» қайырымдылық қоры халықтың әл-ауқатын арттыруға және аз қамтылған азаматтарға қолдау көрсетуге бағытталған бірқатар әлеуметтік жобаларды жүзеге асырып келеді. Ауыл спортын дамытуға қор 500 миллион теңгеге жуық қаржы бөлді.

ISF U15 2025 – қазақстандық жас спортшылар үшін жаңа белестерге бастар мүмкіндік. Оларға жеңіс пен сәттілік тілейміз!

AUYL SPORT жобасы өз ауқымын кеңейтіп, жаңа мүмкіндіктер ұсынуда. Енді бағдарлама аясында ауылдық жерлерде тағы бір қызықты спорт түрі – үстел теннисі қолжетімді болмақ. Бұл бастама Тимур және Динара Құлыбаевтар негізін қалаған Halyk қайырымдылық қоры мен Қазақстан Республикасының Үстел теннисі федерациясы арасындағы ынтымақтастық нәтижесінде жүзеге асуда.

Бұл келісімнің басты мақсаты – ауылдық аймақтарда үстел теннисін дамыту, балаларды спортқа тарту және жаттықтырушылар мен төрешілердің біліктілігін арттыру.

AUYL SPORT жобасы аясында ауыл балалары жаңа мүмкіндіктерге ие болып, өз таланттарын дамытпақ.
Жоба аясында тараптар әдістемелік қолдау көрсету, жарыстар мен басқа да спорттық іс-шараларды ұйымдастыру жөнінде келісімге келді. Сондай-ақ, бұл ынтымақтастық қайырымдылық мәдениетін дамыту мен бұқаралық спортты насихаттауға бағытталған.

“Ауылдық жерлерде спортты дамыту – біздің қордың басты міндеттерінің бірі. Біз өңірлерде бұқаралық спортты дамытуға арналған ауқымды жобаларды жүзеге асырып келеміз. AUYL SPORT жобасына үстел теннисінің қосылуы – балалар мен жасөспірімдер үшін жаңа мүмкіндіктердің бастауы”, – дейді Halyk қорының атқарушы директоры Ғалымбек Жақсылықов.

Үстел теннисі – әлемдегі ең қолжетімді спорт түрлерінің бірі. Ол қымбат жабдықтарды қажет етпейді және тіпті шағын ауыл мектептерінде де ұйымдастырылуы мүмкін. Қазақстанда бұл спорт қарқынды дамып келеді, ал AUYL SPORT жобасының арқасында ауылдық жерлердегі балаларға кәсіби деңгейге жетуге мүмкіндік ашылмақ.

AUYL SPORT – болашақ чемпиондарға арналған платформа

2024 жылы іске қосылған AUYL SPORT жобасы ауыл балаларына арналған ең ірі спорттық бастамаға айналды. Былтыр өңірлік турнирлерге 200 елді мекеннен 12 000 жас спортшы қатысып, ал финалға 17 өңірден 1 300 үздік қатысушы өнер көрсетті. Жобада қазірдің өзінде бокс, күрес, каратэ, баскетбол, волейбол және шахмат енгізілген, ал 2025 жылдан бастап үстел теннисі қосылады.

 2016 жылдан бері Halyk қоры білім беру, денсаулық сақтау және спортты дамытуға бағытталған 120-дан астам әлеуметтік жобаны жүзеге асырды.

AUYL SPORT – балаларға спортқа қолжетімділік беретін, олардың мінезін қалыптастырып, жаңа мүмкіндіктер ашатын жүйелі бастамалардың бірі. Бұл жоба әрбір баланың тұрғылықты жеріне қарамастан, спортпен айналысуына мүмкіндік беру арқылы олардың тағдырын өзгертеді.

“AUYL SPORT – бұл Halyk қорының Қазақстанның болашағына салған инвестициясы. Әрбір баланың өз әлеуетін ашуға мүмкіндігі болуы керек”, – дейді Ғалымбек Жақсылықов.

Тимур және Динара Құлыбаевтар негізін қалаған Halyk қайырымдылық қоры мен “Қазақстанның каратэ федерациясының одағы” ЗТБ арасында ынтымақтастық туралы меморандумға қол қойылды
      Бұл келісім ауылдық аймақтардағы спорт инфрақұрылымын жақсартуға, ауыл балалары мен жасөспірімдерін спортқа баулуға, бұқаралық спортты дамытуға, сондай-ақ ауылдық жаттықтырушылардың біліктілігін арттыруға бағытталған. Сонымен қатар, бұл бастама жас спортшыларды қолдауға, олардың әлеуетін дамытуға және спорттық бастамаларды бірлесіп жүзеге асыруға мүмкіндік береді. Құжатқа Halykқорының Атқарушы директоры Жақсылықов Ғалымбек Жақсылықұлы және «Қазақстанның каратэ федерациясының одағы» ЗТБ Бас хатшысы Молдағали Асқар қол қойды.
     Бүгінде еліміздің көптеген ауылдық аймақтарында спорт инфрақұрылымының жеткіліксіздігі, жаттықтырушылар мен төрешілердің тапшылығы байқалады. Осы тұрғыдан алғанда, AUYL SPORT жобасы – ауыл жастарының спортқа деген қызығушылығын арттырып, олардың салауатты өмір салтын ұстануына ықпал ететін маңызды бастама.
Каратэ федерациясымен әріптестік – жобаның дамуына тың серпін береді

Бұл меморандум еліміздегі бұқаралық спортты дамыту мен қайырымдылық мәдениетін нығайтуға бағытталған маңызды қадам. Құжатқа қол қойған тараптар алдағы уақытта ынтымақтастықты тереңдетіп, ауылдық спорттың қолжетімділігін арттыру үшін бірлесе жұмыс істейтіндерін мәлімдеді.

Еске салайық,  AUYL SPORT жобасы 2024 жылы облыстық деңгейдегі турнирлерден бастау алды. Оған 200 ауылдан 12 мыңнан астам бала мен жасөспірім қатысып, спортқа деген қызығушылықтарын танытты. Каратэ – жоба аясында қамтылған алты спорт түрінің бірі. Жобаның республикалық турнирінің финалы еліміздің 17 облысынан 1300-ден астам жас спортшыны бір алаңда тоғыстырып, ауыл спортын жаңа деңгейге көтерді.

Қазақстан футбол федерациясы таратқан ақпарат бойынша, еңбек шарты екі жақтың өзара келісімі бойынша тоқтатылды.

Станислав Черчесов Қазақстан құрамасының тізгінін 2024 жылдың маусымында ұстады. Оның жетекшілігімен ұлттық құрама УЕФА Ұлттар лигасында 6 матч өткізіп, Норвегия құрамасымен ғана тең ойнап, 1 ұпай жинады. Жаттықтырушы тұсында команда бірде-бір гол соқпады. Сондай-ақ Қазақстан құрамасынан жаттықтырушылар штабы толық құраммен кетті.

Футболдан ұлттық құраманың бас бапкері қызметіне үміткерлер тізімі қарастырылып жатыр.