Трансфер.Live — Қазақстан және әлемдегі спорт жаңалықтары

HERE WE GO! Юссуф Фофана – “Милан” ойыншысы!

admin — Thu, 15 Aug 2024 14:24:57 +0000

Қос тарап 4+1 жүйесі бойынша келісімшартқа қол қоюға келісті.

“Монако” жартылай қорғаушының сатылымынан €25млн пайда көреді.

Ресми: Пачо ПСЖ ойыншысы атанды

admin — Fri, 09 Aug 2024 11:37:26 +0000

22 жастағы қорғаушы Виллиан Пачо «Айнтрахттан» (Франкфурт) париждік командаға ауысты. Жаңа командасында 51-нөмірмен ойнайды.

Пачо ПСЖ тарихындағы алғашқы эквадорлық футболшы.

Трансфер құны 40 млн еуро және қосымша 5 млн еуро бонус қарастырылған.

Ресми: Нұрәлі Әліп «Зенитпен» келісімшартын ұзартты

admin — Wed, 07 Aug 2024 16:53:38 +0000

Футболдан Қазақстан ұлттық құрамасының қорғаушысы Нұрәлі Әліп ресейлік командамен жаңа келісімшарт жасасты.

Жаңа шарт 2028 жылдың жазына дейін жарамды.

«Монца» Кейлор Навасты қатарына қосты

admin — Mon, 29 Jul 2024 12:58:22 +0000

Танымал коста-рикалық қақпашы осы аптада италиялық команданың медициналық тексеруінен өтіп, ресми келісімшартқа қол қояды.

Қақпашы «Монца» сапына еркін агент статусында қосылды.

«Манчестер Сити» Доннарумаға ұсыныс жасады

admin — Mon, 22 Jul 2024 11:18:44 +0000

Ағылшындық команданың негізгі қақпашысы Эдерсон саудиялық командалардың біріне ауысуы мүмкін (күнде ауысқалы жатады). Анық кетсе орнын кім баспақ?

Пеп Гвардиола Штефан Ортеганы негізгі қақпашы етіп, тәуекел жасауы мүмкін. Болмаса өзге қақпашы шақыртады. Соның бірі Джанлуджи Донаррума болмақ.

Италиялық қақпашы ПСЖ сапында бақытты-ақ. Бірақ АПЛ-де ойнап көру ұсынысына ойлануы да мүмкін

Испания құрамасының капитаны «Миланға» ауысты

admin — Fri, 19 Jul 2024 11:33:39 +0000

Испания ұлттық құрамасының шабуылшысы әрі капитаны Альваро Мората Италияның «Милан» клубына ауысты. Бұл туралы команданың ресми сайты хабарлады.

31 жастағы шабуылшы миландық командамен төртжылдық келісімшартқа қол қойды. Сондай-ақ тағы бір жылға ұзарту мүмкіндігі де қарастырылған. Жаңа командада ойыншы 7-ші нөмірмен ойнайды. «Миланның» «Атлетико Мадридке» беретін өтемақы құны 13 млн еуроны құрады.

Мансабында «Реал», «Ювентус», «Челси» және «Атлетико» командаларында ойнап, 506 матчқа қатысып, 172 гол соққан. Екі рет Чемпиондар лигасын, УЕФА Суперкубогы, клубтар арасындағы әлем чемпионаты, екі рет Ла лига, екі рет Король кубогы, бір рет Испания Суперкубогын жеңіп алған. Италияда екі рет А Сериясының чемпионы, үш рет Италия кубогын, екі рет Суперкубогын иеленген. Сондай-ақ Англия кубогының да иегері.

Испания құрамасында 80 ойынға қатысып, 36 гол соққан. 2022/23 жылғы Ұлттар лигасында жеңімпаз атанды. Ал жуырда ғана аяқталған Еуропа чемпионатында капитан болып, құрамасымен чемпион болды.

HERE WE GO! Иван Ракитич Отанына оралады

admin — Thu, 18 Jul 2024 07:28:51 +0000

36 жастағы орталық жартылай қорғаушы Иван Ракитич мансабын «Хайдукта» жалғастырады. Қос тарап екіжылдық келісім жасасатын болды.

Ракитич бұған дейін Сауд Арабиясының «Әл-Шабаб» командасында болған еді.

«Марсельден» біреу кетіп, біреу келіп жатыр

admin — Wed, 17 Jul 2024 11:43:03 +0000

Мэйсон Гринвуд «Манчестер Юнайтедтен» «Марсельге» ауысты. Трансфер құны – 30 млн еуро. Болашақтағы сатылымынан 50% бонус қарастырылған. Келісім мерзімі 2029 жылдың жазына дейін жарамды.

Ал «Марсельде» ойнаған Пьер-Эмерик Обамеянг Сауд Арабиясының «Әл-Кадисия» командасына ауысады. Қос тарап 2026 жылдың жазына дейін келісімшартқа қол қойды. Бір маусымда 20 млн еуро алады.

HERE WE GO! Мората «Миланға» ауысады!

admin — Mon, 15 Jul 2024 14:00:13 +0000

Италиялық команда шабуылшының «Атлетикомен» келісімшартында көрсетілген €13млн өтемақы құнын төлейтін болды.

Қос тарап 4 жылдық келісімшартқа қол қоюға ауызша келісті. Ресми келісім мен медициналық тексеру осы апта ішінде жүзеге асады.

«Манчестер Сити» Ольмоны тезірек сатып алғысы келеді

admin — Sun, 14 Jul 2024 12:45:22 +0000

Ағылшындық команда Дани Ольмоның трансфері бойынша жұмысын тездете бастады. Олар алдағы сейсенбіге дейін келісім жайын біржақты қылғысы келеді.

Журналист Джанлука Ди Марцио хабарлағандай, ойыншының «Лейпциг» командасымен келісімшартын ерте аяқтау құны 60 млн еуро шамасында. 20 шілдеге дейін осы бағада трансферді жүзеге асыруға мүмкіндіктері бар.

Пеп Гвардиола Дани Ольмоның талантын мойындайтынын бұған дейін бірнеше рет айтқан. Ал Ольмоның өзі»Барселона» академиясының түлегі.

Қазіргі таңда «Манчестер Ситиден» бөлек, оған «Челси» мен «Барселона» да қызығушылық танытып отыр.