Тимур мен Динара Құлыбаевтардың «Halyk» қайырымдылық қоры ұйымдастырған ауқымды шара балалардың өздеріне сеніп, дарындарын көрсетуге мүмкіндік берді.

«AUYL SPORT» жобасы осыдан үш ай бұрын 200 ауылдан 12 мыңнан астам балалар мен жасөспірімдер қатысқан облыстық турнирлерден бастау алды. Олардың көпшілігі үшін бұл жарыс спорт биігіне аттаған алғашқы қадам болды.

«AUYL SPORT — бұл бәсекелестіктен гөрі, шабыт алаңы. Бұл ауыл балаларының жаңа көкжиектерін ашып, өзіне сеніп, үлкен жетістіктерге алғашқы қадам жасауына мүмкіндік. Біз олардың талантына сенеміз және олардың арманына жету жолында қолдау көрсетуге дайынбыз», – дейді «Halyk» қорының Алматыдағы филиалының директоры Ғалымбек Жақсылықов.

Ауыл балаларының болашағына инвестиция 2016 жылдан бері «Halyk» қайырымдылық қоры жалпы сомасы 85 миллиард теңгені құрайтын 120-дан астам әлеуметтік жобаны жүзеге асырды.

«AUYL SPORT» жобасы қордың ауылдық жерлерде бұқаралық спортты дамытуға бағытталған негізгі бастамаларының біріне айналды. Тек осы жобаға 500 миллион теңге бөлінді.

«Біздің мақсатымыз – спортты танымал ету ғана емес, қай жерде тұратынына қарамастан барлық балаларға тең мүмкіндіктер жасау. Мұндай бастамалар Қазақстанның болашағын құратын жастардың бойында сенім мен мінезді қалай арттыратынын көріп отырмыз», – деді Ғалымбек Жақсылықов.

Жеңіске алғашқы қадам

Турнирдің финалдық кезеңінде бокс, күрес, каратэ, баскетбол, волейбол және шахмат сияқты алты сайыс бойынша жарыстар өтті. Жарысқа қатысушылардың көбісі мұндай үлкен аренаға бірінші рет шықты.

«Көбінесе ауыл балаларына қаржылық жағдайға байланысты ірі турнирлерге қатысу қиынға соғады. «Halyk» қорының қолдауы оларға өздерін көрсетуге және жоғары деңгейдегі бәсекенің дәмін татуға мүмкіндік берді. Бұл маңызды, өйткені біздің Олимпиада чемпиондарының көбі ауылдан шыққан», — деді еркін күрестен Бас төреші болған Берік Шалабаев.

Турнир жеңімпазы Түркістан облысынан келген жас палуан Самир Рахманалиев өз әсері туралы былай деді:

«Мен өз атымды, ауылымның атын асқақтата алғаныма шексіз қуаныштымын! Бұл менің ең үлкен спорттық іс-шарам, мен ұйымдастырушыларға осы мүмкіндік үшін алғыс айтамын – эмоцияларды сөзбен айтып жеткізу мүмкін емес!»

«АУЫЛ СПОРТ»: болашаққа шабыт

«Біз бұл жігіттердің арасында болашақ чемпиондар бар екеніне сенімдіміз. «AUYL SPORT» – жай жарыс емес, ол – қоғамымыздың кемел келешекке деген сенімінің мерекесі», – деп қорытындылады турнирді ұйымдастырушылар.

AUYL SPORT-2024 жобасы – жаңа мүмкіндіктер ашатын және шабыттандыратын алаң. Бұл балаларға қайсарлық пен талант кез келген шекараны жеңе алатынын дәлелдеп үлгерді.

Қазақстан құрамасы осыған дейін егемен ел ретінде 7 жазғы Олимпиада ойындарына қатысты. Сегізіншісінде 80 спортшы алып барады. Салыстырмалы түрде алғанда, бұрынғы Олимпиада ойындарынан азырақ.

Қазақстан спортшылары арасынан Париж Олимпиадасының ең алғашқы жолдамасын мерген Ислам Сәтпаев жеңіп алды. Нысана көздеу шебері Әзербайжанның Баку қаласында өткен лицензиялық әлем чемпионатында үздік төртікке енген болатын. 

Содан бері қазақстандық спортшылар әлемдік және құрлықтық іріктеу турнирлеріне қатысып, Париждегі жазғы ойындардың жолдамасына таласты. Сондай-ақ рейтингілік жарыстар арқылы ұпай жинап, жолдама еншілегендер бар. Олай болса төмендегі деректерді ерекше атап өтуге  болады: 

• Бокстан Қазақстан ерлер құрамасы Олимпиадаға толық құрамда барады

• Бокстан Қазақстан әйелдер құрамасы тұңғыш рет жазғы ойындарға үш спортшыны апарады

• Брейкинг пен бадминтоннан Қазақстан тұңғыш рет Олимпиада жолдамасын иеленді. Брейкингтен Амир Закиров, бадминтоннан Дмитрий Панарин ел намысын қорғайды. 

• Әйелдер күресінен Қазақстан командасы тарихта тұңғыш рет Олимпиададан сырт қалды. 

• Семсерлесуден Қазақстан құрамасы тарихта тұңғыш рет командалық жарыста бақ сынайды. 

• Қазақстан тұңғыш рет гимнастиканың үш түрінен (батуттық, спорттық және көркем) жазғы Олимпиадада сынға түседі.

• Нысана көздеуден Қазақстан командасы тұңғыш рет алты спортшыны Олимпиадаға апарады. 

• Париж Олимпиадасына қатысатын 80 қазақстандық спортшының ішінде 54 атлет жазғы ойындарға тұңғыш рет қатысқалы отыр. 

• Қазақстан олимпиадалық құрамасының сапында жазғы ойындарға төртінші рет қатысатын екі спортшы бар. Олар – жеңіл атлет Ольга Сафронова мен академиялық есу шебері Владислав Яковлев.

• Елдос Сметов (дзюдо), Кирилл Герасименко (үстел теннисі) және Елена Потапенко (қазіргі бессайыс) Олимпиада ойындарына үшінші рет қатыспақ.

• 21 спортшы өз мансабындағы екінші Олимпиадаға аттанады. 

«Мен, Абылайхан Жүсіпов, Олимпиада ойындарынан кейін екі жыл бойы кәсіпқой бокста тәжірибе жинақтадым және Бокс федерациясы мен Қарағанды ​​облысы спорт басқармасының шақыртуымен және қолдауымен әуесқой боксқа ораламын. Өз тәжірибеммен туған жерім – Қарағандының өсіп келе жатқан боксшыларына үлгі болып, алға ұмтылуға шақырамын деп ойлаймын. Қарағанды ​​облысынан Олимпиада ойындарының көптеген қатысушысы мен чемпионы шығатынына сенімдімін. Қарсыластар, дайындалыңдар, мен өзімді көрсетуге дайынмын», – деп жазды Абылайхан.

Айта кетейік, 27 жастағы Абылайхан Жүсіпов әлем чемпионатында үш рет қола жүлде (2017, 2019, 2021 жылдары) жеңіп алған болатын. Ұлттық құрама капитаны да болды. 

Ал кәсіпқой рингте ол төрт жекпе-жек өткізіп, бәрінде жеңіске жеткен. Оның үшеуінде қарсыласын нокаутқа түсірді.

IBA ұйымын қазір ресейлік Умар Кремлев басқарады. Халықаралық Олимпиада комитеті (ХОК) бұл ұйымды парақорлық пен кей әрекеттері үшін айыптап, ресми серіктес деп танымайды. 2020 жылдан бастап олимпиадалық іріктеу мен жарыстарды өздері ұйымдастыра бастады.

Осы жылдың мамыр айында ХОК IBA жарыстарына қатысатын елдің құрамалары 2028 жылы Лос-Анджелесте өтетін Олимпиада ойындарына қатыстырылмайды. Геннадий Головкин Қазақстан бокс федерациясына IBA-дан шығып, ХОК ресми ұйым ретінде тануға шақ тұрған World Boxing құрамына қосылуға кеңес береді.

«Біз өз тарапымыздан ҚБФ-ны World Boxing ұйымына кіруге үгіттейміз, ол үшін қолдан келгеннің бәрін жасаймыз. Бірақ, ҚБФ-ның таңдау құқығы бар. Шешімді өздері қабылдайды. Құқықтық тұрғыдан мен оларға қысым көрсете алмаймын», — деді Головкин.

Бүгінде World Boxing ұйымына Аустралия, Аргентина, Барбадос, Бразилия, Ұлыбритания, Германия, Гондурас, Дания, Доминика Республикасы, Канада, Моңғолия, Нидерланд, Жаңа Зеландия, Панама, Перу, Сингапур, АҚШ, Франциялық Полинезия және Швеция кіреді.

Сондай-ақ ойыншылар бас бапкердің кей ісіне наразы. Мысалы,  Хорватиямен болатын ойынға 2 сағат қалғанда ойын жүйесін өзгертіп, кей ойыншыларды негізгі құрамнан алып тастаған.

Италия футбол федерациясы болса Лучано Спалеттиді қызметінде қалдырды.