2026 жылғы 25–29 наурыз аралығында Түркияның Анталия өңіріндегі Сиде қаласында өткен «Antalya Volleyball Friendship Cup U-16» халықаралық жастар турнирінде Қазақстанның жас спортшылары тарихи жетістікке қол жеткізді.

Бұл додада Жетісу облысы, Ақсу ауданы, Жансүгіров ауылының қыздар командасы мен Алматы облысы, Іле ауданы, Өтеген батыр ауылының ұлдар командасы Қазақстан намысын қорғады. Ауылдан шыққан қарапайым балалардың қажырлы еңбегі, табандылығы мен жігері оларды үлкен жеңіске жеткізді.

 Halyk қоры жарысқа дейінгі дайындық кезеңін де жоғары деңгейде ұйымдастырды. Қыздар командасы Алматыдағы кәсіби волейбол орталығында жаттығып, техникалық және тактикалық шеберлігін жетілдірсе, ұлдар командасы Балқаш ауданының Бақанас ауылында оқу-жаттығу жиындарын өткізіп, физикалық дайындығын шыңдады. Бұл дайындық олардың әр ойында сенімді, жинақы және жігерлі өнер көрсетуіне негіз болды.

«Балалар біз ойлағаннан да жақсы ойнады. Halyk қайырымдылық қоры біздің барлық шығынды — оқу-жаттығу жиыны, жатын орын, тамақты төледі. Ауыл балаларына бұл — үлкен мүмкіндік. Біздің балаларға мұндай тәжірибе сыйлағаны үшін қорға алғыс айтамыз!» — дейді бапкер Ғалым Ғайнол.

Турнир барысында қазақстандық командалар қарсыластарын бірінен соң бірін айқын басымдықпен жеңіп, финалға жолдама алды. Қыздар финалда Түркияның «GAZI» клубымен кездесіп, 2:0 есебімен сенімді жеңіске жетті. Ал ұлдар құрамасы да дәл осы қарсыласты 2:1 есебімен ұтып, чемпион атанды.

«Бұл – бүкіл Қазақстанның жеңісі. Ауылдан шыққан жас спортшыларымыз халықаралық аренада ел намысын абыроймен қорғап, көк туымызды биікке көтерді. Бұл жетістік – олардың табандылығы мен еңбегінің, сондай-ақ, ауыл жастарына мүмкіндік берудің нақты нәтижесі. Біз алдағы уақытта да таланттарды қолдап, олардың үлкен спорттағы жолын жалғастыруға бар күшімізді саламыз», – деді Қордың Атқарушы директоры Ғалымбек Жақсылықұлы.

Жеке шеберлігімен ерекшеленген ойыншылар да назардан тыс қалмады. Қыздар құрамасының шабуылшысы Құралай Бәкен турнирдің үздік ойыншысы атанса, ұлдар командасынан Адмир Махамеджанов дәл осындай мәртебеге ие болды. Олардың өнері – бүкіл елдің мақтанышы.

«Жарыс өте әсерлі әрі қызық өтті. Онда әр елден келген мықты спортшылар болды. Оларды жеңу оңай болған жоқ, халықаралық дода шеберлікті талап етеді. Мұнда біз өзімізді емес, ел намысын қорғауды ойладық. Жарыс күнін асыға күттік. Дайындық барысы қызу өтті. «Ауыл спорт» жобасына дайындаған жатын орны, тамақ, шетелдегі естелік үшін рақмет. Алғысымыз шексіз. Бұл тек біздің емес, ата-анамыздың, бапкерлеріміздің, бүкіл ауылдың арманы», — деді жеңімпаздардың бірі Мағжан Әріпжанов.

Бұл жеңіс «Ауыл спорт» жобасының маңыздылығын тағы бір мәрте дәлелдеді. Ауылдан шыққан таланттарға мүмкіндік берілсе, олар халықаралық деңгейде де топ жарып, көк туды көкке көтере алатынына айқын дәлел. Қазақстанның көк байрағы Анталия төрінде екі рет желбіреді. Бұл — ел тарихындағы жас спортшылардың жарқын белесі.

Халықаралық турнир туралы не белгілі?

«Antalya Volleyball Friendship Cup U-16» – жыл сайын Түркияда өтетін халықаралық жастар турнирі. Турнирге әдетте Түркияның жетекші клубтарымен қатар, Азия мен Таяу Шығыс елдерінің командалары қатысады. Қазақстан командалары бұл турнирде сәтті дебют жасап, бірден чемпион атанып, халықаралық деңгейдегі әлеуетін айқын көрсетті.

«Auyl Sport жобасы ауылдағы талантты балаларға үлкен аренаға шығуға жол ашып отыр. Бұл – жай ғана спорттық жоба емес, нағыз әлеуметтік лифт, ауыл баласының арманын ақиқатқа айналдыратын мүмкіндік. Гимназиададағы жетістіктер – осы мақсаттың орындалғанына дәлел», дейді Halyk қорының атқарушы директоры Ғалымбек Жақсылықов.

Еркін күрес жарысында да біздің спортшылар жүлдесіз қалған жоқ. Түркістан облысы Бәйдібек би ауданы, Шалдар ауылының спортшысы Қалыбек Нұрқожа қола медаль иеленді. Қалыбек Нұрқожа да – Auyl Sport республикалық турнирінің жүлдегері.
Шахмат турнирі рапид және блиц форматтарында өтті. 17 мемлекеттен 100-ден астам спортшы қатысқан жарыста осы жобаның жүлдегерлері Жанат Нұрым мен Алғаппарова Олтинай жоғары шеберлік көрсетіп, ұйымдастырушылар тарапынан арнайы марапаттарға ие болды.

«Гимназиадада алтын алу — ауылдан шыққан мен үшін баға жетпес жетістік. Бұл маған артылған сенімді ақтағанымның, ата-анам мен туған ауылымның үмітін орындағанымның белгісі. Қуанышымды сөзбен жеткізу қиын. Осы халықаралық жарысқа қатысуға мүмкіндік берген Auyl Sport жобасына және Halyk қайырымдылық қорына шексіз алғысымды білдіремін. Бұл жеңіс — жалғыз менің емес, мені қолдаған әр адамның жеңісі!» – дейді гимназиада алтын иеленген Макаров Шыңғыс.

Халықаралық аренада еліміздің абыройын асқақтатқан жас спортшылар меценат Тимур Құлыбаевтың атынан алғыс хаттармен және ақшалай сыйақылармен марапатталды:
• Алтын медаль иегерлеріне – 1 миллион теңгеден,
• Қола жүлдегерге – 300 мың теңге,
• Жас шахматшыларға – әрқайсысына 200 мың теңгеден.
Чемпиондарды дайындаған жаттықтырушылар да назардан тыс қалмады – олардың еңбегі де ақшалай сыйақымен лайықты бағаланды.

2024 жылы іске қосылған Auyl Sport – ауыл балаларына арналған ең ірі республикалық спорттық жобалардың бірі. Өткен жылы 200 елді мекеннен 12 000 жас спортшы өңірлік турнирлерге қатысып, 17 облыстан 1 300 үздік спортшы финалда өз шеберліктерін көрсетті.
Қазіргі таңда Auyl Sport аясында бокс, күрес, каратэ, баскетбол, волейбол және шахмат спорт түрлері бойынша жарыстар өткізіліп келеді. 2025 жылдан бастап жобаға үстел теннисі де қосылады.

Тимур Құлыбаевтың Halyk қайырымдылық қоры халықтың әл-ауқатын арттыруға және аз қамтылған азаматтарға қолдау көрсетуге бағытталған бірқатар әлеуметтік жобаларды жүзеге асырып келеді. Ауыл спортын дамытуға қор 500 миллион теңгеге жуық қаржы бөлді.

 Отандасымыз танымал боксшыны ақпан айында жұдырықтасуға шақырды.

Менің ойымша, тек Канелоның ғана менімен жұдырықтасуға батылы жетеді! Канело, кел, ақпанда жұдырықтасайық! Менің дивизионымда чемпиондар жұдырықтасудан қорқады! Кел, әлемге жақсы бокс көрсетейік! — деп жазды қазақстандық өзінің X әлеуметтік желісіндегі парақшасында.

Бұған дейін Жәнібекпен жұдырықтасудан британдық боксшы Хамза Шираз (21-0, 17 КО) бас тартқан еді. WBC чемпионы Карлос Адамес те Жәнібекпен жұдырықтасуға ниетті емес. 

I think only Canelo has the courage to fight me! Canelo, let’s fight in February! The champions in my division are afraid to fight! Let’s show the world good boxing! — Janibek Alimkhanuly (@qazaqstyle) November 21, 2024

Айта кетейік, Жәнібек 4 қазан күні Сиднейде жаңазеландиялық Андрей Михайловичті (21-1, 13 КО) нокаутпен жеңген болатын.

Ризабек 23 жасқа дейінгі балуандар арасындағы әлем чемпионатында жеңіс тұғырына көтерілді. 97 келіге дейінгі салмақтың финалында отандасымыз Иран елінің балуаны Махди Морафадан айласын асырды. Қарсыласын шешуші белдесуде 11:6 есебімен жеңіп шықты.

Отандасымыз финалға дейін 3 балуанды жеңіп шықты. Алғашқы белдесуінде Канада елінің балуанын 11:0 есебімен уақытынан бұрын ұтты. Ал ширек финалда Беларусь спортшысын да 10:0 есебімен жеңді. Ал финалға шығар сында ресейлік Шамил Гаджиалиевті 7:4 есебімен жарыс жолынан шығарды. 

Айта кетейік, Ризабек Айтмұқан — ересектер және жастар арасында чемпион атанған тұңғыш қазақ балуаны. Ол 2023 жылы Белградта алтын алған еді. Ал биыл Понтеведрада (Испания) 20 жасқа дейінгі балуандар арасында да чемпион болған. Осылайша, 1 жылда екі рет әлем чемпионы атанып отыр.

Ойын Қазақстандағы уақытпен сағат 19:00-де басталады. QazSport телеарнасы 18:50-ден бастап тікелей эфирде хабар тарататын болады. 

Тікелей эфир сілтемесі

Айта кетейік, бұл ұлттық құрама тізгінін ұстаған Станислав Черчесовтің алғашқы ресми ойыны. Ол осы жазда бұған дейін құраманы жаттықтырып келген Магомед Адиевті алмастырған еді. 

Құрамалар кеше Орталық стадионда ашық жаттығу өткізіп, соңғы дайындықтарын пысықтады. 

«В» лигасының екінші тобында Қазақстан мен Норвегиядан бөлек, Аустрия мен Словения құрамалары бар. 

Биылғы еурокубоктың топтық кезеңі жаңа форматта болады. Жеребе тарту да жасанды интеллект көмегімен жүзеге асырылып жатыр. Қазақстандық клуб негізгі кезеңде 6 командамен (бір-бір реттен) ойнап шығады. 

Григорий Бабаян жаттықтыратын елордалық командаға «Челсиден» бөлек АПОЭЛ (Кипр), «Витория» (Португалия), «Нью-Сейнтс» (Уэльс), «Бачка Топола» (Сербия), «Пафос» (Кипр) командалары қарсылас атанды. 

Сессияға қатысушылардың көбі жарыстың Франциядағы Альпі тауында өтуіне дауыс берді. Жарысты өткізуге Солт-Лейк-Сити (АҚШ), Стокгольм және Оре (Швеция) қалалары да үмітті болған. 

ХОК 2030 жылғы қысқы Олимпиада ойындары Францияның Альпі тауларында өтетінін хабарлаймыз. Олар ХОК талаптарын толықтай орындады, — деді ұйым президенті Томас Бах. 

Франция жыл соңына дейін Олимпиада өтетін нысандар мен жоспарын бекітулері тиіс. Франция президенті Эммануэль Макрон жазғы Олимпиададан кейін жаңа жарысқа дайындық басталатынын жеткізді.

Франция қысқы Олимпиада ойындарын төртінші рет өткізбек. Алғаш рет 1924 жылы Шамониде өткізген. Одан кейін 1968 жылы Гренобльде, 1992 жылы Альбервильде болды. 

2026 жылғы қысқы Олимпиада ойындары Милан және Кортина-д’Ампеццода (Италия) өтеді.

Париж Олимпиадасына бокстан ерлер құрамасы толық құрамда қатысады. Ал әйелдер құрамасы 3 салмақта жүлдеге таласады. 

2024 жылғы Олимпиада ойындарында бокстан алдын ала жарыс кестесі:

27 шілде

1/16 финал

63,5 кило (ерлер) — Мұхаммедсабыр Базарбайұлы

28 шілде
1/16 финал

57 кило (ерлер) – Махмұд Сабырхан;
71 кило (ерлер) — Асланбек Шымбергенов;
50 кило (әйелдер) — Назым Қызайбай;
92 кило (ерлер) — Айбек Оралбай.

29 шілде
1/8 финал

63,5 кило (ерлер) — Мұхаммедсабыр Базарбайұлы (өтсе);
+92 кило (ерлер) — Қамшыбек Қоңқабаев

30 шілде
1/16 финал

57 кило (әйелдер) — Карина Ибрагимова.

1/8 финал

51 кило (ерлер) — Сәкен Бибосынов;
80 кило (ерлер) — Нұрбек Оралбай.

31 шілде
1/8 финал

57 кило (ерлер) — Махмұд Сабырхан (өтсе);
71 кило (ерлер) — Асланбек Шымбергенов (өтсе);
75 кило (әйелдер) — Валентина Хальзова.

1 тамыз
1/8 финал

50 кило (әйелдер) — Назым Қызайбай (өтсе).

Бұдан кейін келесі кезең жекпе-жектері басталады.

Мбаппемен келісім мерзімі 2029 жылға дейін жасалды. Командада ойыншы 9-нөмірмен ойнайды.

Баршаға қайырлы күн! (испан тілінде). Мен Сіздермен испан тілінде сөйлесуге тырысамын. «Реал Мадридте» ойнауды армандап талай таңды атырдым. Бүгін менің арманым орындалды, мен бақытты баламын! Мен, «Реал» ойыншысымын! Ғажап!, — деді футболшы. 

Футболшының таныстырылымына 80 мыңнан асық жанкүйер жиналды.