Футболдан Англия ұлттық құрамасының бас жаттықтырушысы Гарет Саутгейт қызметінен кетті. Бұл туралы Англия футбол қауымдастығы (FA) хабарлады.
«102 ойыннан және сегіз жылдық жұмысынан соң Гарет Саутгейт бас бапкерліктен кететінін мәлімдеді», — делінген ұйымның X әлеуметтік желісіндегі парақшасында.
Гарет Саутгейт қызметінен кету жайлы шешімді өз еркімен қабылдаған. Ол ағылшындармен қатарынан екі рет Еуропа чемпионатының финалына шықты. Алайда финалдағы екі ойында да қарсыластарына есе жіберді.
