10 метрден пневматикалық винтовка атудан қазақстандық спортшы Александра Ле Париждегі Олимпиада ойындарында 6-орын алды.
Мерген қыз кеше іріктеуде де 6-орын алып, финалдық кезеңге шыққан еді. Бүгін 8 спортшы бақ сынаған негізгі кезеңде жүлделі орынға іліге алмады.
Александра бұған дейін аралас жұптық сайыста Ислам Сәтпаевпен бірге Олимпиаданың қола жүлдесін жеңіп алған болатын.
Айта кетейік, Олимпиадада 6-орын алған спортшы үшін де мемлекеттен сыйақы қарастырылған. Оған 5 000 АҚШ доллары беріледі.
